Markôs 4:36 - Sơ̆p Hlabơar Nơ̆r 'Bok Kei-Dei

³⁶ Yêsu oei tơ kơpal thŏng-nan đĕch đơ̆ng hei boih. Na lu bơngai pơhrăm păng Sư tơklah đơ̆ng lu bơngai tơpôl lơ, anhăk Yêsu kiơ̆ lu sư tŏk pah to đak. Păng đei 'bar pêng tŏ thŏng-nan nai năm kiơ̆ lu sư mơ̆n.

Markôs 4:36 Iomraidhean Croise

Mathiơ 8:23

Klaih kơ noh Yêsu hao thŏng-nan, lu bơngai pơhrăm kư̆m hao kiơ̆ Sư mơ̆n.

Markôs 3:9

Na Yêsu athei lu bơngai pơhrăm păng Sư 'măn kơ Sư thŏng-nan jê̆ jih đak wă kơ Sư hao kơpal thŏng-nan ei; dah Sư dơ̆ng tơ kông hli kơ đe hmĕt hmot Sư.

Markôs 4:1

Yêsu bơtho tơ jih đak dơsĭ Galilê dơ̆ng. Đei lơ bơngai tơpă akŭm tăp dăr kơ Sư na Sư tŏk oei kơpal thŏng-nan tơ đak. Lu bơngai lơ ei oei tơ jih đak.

Markôs 4:37

Lu sư oei wơ̆r thŏng-nan yak kơpal đak đei hloi kial hơbŭt tih tơpă. Đak poh-yă tih tơprah mơ̆t tơ lăm thŏng-nan lu sư, pă 'biơ̆ wă jê̆ 'bĕnh.

Markôs 5:2

Lăp Yêsu jur đơ̆ng thŏng-nan đei minh 'nu bơngai yang mơ̆t pơm kơ sư wơnh lĕch đơ̆ng bơsat năm tơkan tơ Yêsu.

Markôs 5:21

Yêsu tŏk thŏng-nan brŏk tơ anih pah âu dơ̆ng, tơ ei đei lơ bơngai akŭm tăp dăr kơ Sư. Yêsu oei tơ jih đak dơsĭ.

Markôs 6:32

Đang kơ pơma thoi noh lu sư tŏk thŏng-nan năm tơ anih kueng kơdrô̆.

Luka 8:22

Minh năr ei, Yêsu păng lu bơngai pơhrăm păng Sư tŏk thŏng-nan. Na Yêsu khan kơ lu sư: “Bĕ bơ̆n tŏk pah to đak dơsĭ.” Na lu sư năm hloi.