Markôs 4:27 - Sơ̆p Hlabơar Nơ̆r 'Bok Kei-Dei

²⁷ Klaih kơ noh tơ'ngla sư kơmăng tep kơ'năr iung, adrĕch 'ba 'noh chăt kơjung boih mă-lei tơ'ngla sư ưh kơ pơm ăn kơ sư arih ôh.

Markôs 4:27 Iomraidhean Croise

Bôk Bơthô 11:5

Kon bơngai ưh kơ băt trong kial tơthu năm tơ yơ, sư kư̆m thoi ưh kơ băt kon nge lăm klak mĕ pơjing thoi yơ, na kư̆m lei-lăi thoi noh mơ̆n, ih ưh kơ hlôh ôh tơdrong jang Kră Yang 'Bok Kei-Dei, Tơ'ngla pơjing kơ tôm tơmam.

Bôk Bơthô 8:17

Inh kư̆m 'bôh tôm tơdrong jang Kră Yang 'Bok Kei-Dei, inh băt kon bơngai ưh kơ kĕ hlôh đĭ kơ dôm tơdrong đei truh tơ ala teh âu, mă khan nŏng hĭ tôch bơneh kư̆m ưh kơ kĕ hlôh kiơ; păng mă khan bơngai hơgei ngeh khan gô băt, kư̆m ưh kơ kĕ kơ băt 'mơ̆i.

Markôs 4:26

Yêsu khan dơ̆ng: “'Bok Kei-Dei pơgơ̆r thoi âu: Pơtih gia đei bơngai rei adrĕch 'ba tơ mir.

Markôs 4:28

Sư gơh arih kơdih đơ̆ng teh. Blŭng-a sư sơđah chăt hla. Klaih kơ noh sư hnông; klaih kơ hnông, sư huăt đei plei.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.