Markôs 4:24 - Sơ̆p Hlabơar Nơ̆r 'Bok Kei-Dei

²⁴ Sư khan dơ̆ng kơ lu đe noh: “Mơ̆ng mă nhên hŏ. Iĕm mơ̆ng dang yơ, iĕm gô hlôh dang noh păng 'Bok Kei-Dei gô pơthim ăn kơ iĕm hlôh hloh kơ noh dơ̆ng.

Markôs 4:24 Iomraidhean Croise

Tơdrông Pơđơk 19:27

Ơ dăm, dah ih pơdơh pă mơ̆ng đe bơtho khan noh, Lei pơm kơ ih tơklah ataih đơ̆ng nơ̆r hlôh wao.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 17:21

Kră Yang khan thoi âu: “Tơdah lu iĕm wă arih lu iĕm athei kơchăng, 'nĕ pă tung, pŭ tơmơ̆t trong 'măng dur pơlei Jêrusalem, lăm năr Sa'bat.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Markôs 9:7

Klaih kơ noh 'bôh glĭp kơ hơmơ̆l jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l ei khan: “Sư âu Kon Inh mă 'mêm kơeng tơpă. Na iĕm ling-lang athei chu yom kơ Sư.”

Luka 8:18

“Thoi noh na iĕm athei mơ̆ng Inh mă nhên. Bơngai bu hlôh, 'Bok Kei-Dei gô pơthim kơ sư hlôh hloh kơ noh dơ̆ng tơpă. Bơngai bu ưh kơ wă mơ̆ng, bơngai 'noh sư tơchĕng sư hlôh ră, mă-lei sư gô hiong dôm tơdrong sư hlôh.”

Yo 10:16

Inh đei mơ̆n triu khŭl nai, mă-lei ưh kơ trŏ khŭl Juđê âu ôh. Na Inh athei iŏk triu khŭl nai ei. Lu triu ei gô lui kơ Inh păng băt kơ 'bơ̆r Inh pơma mơ̆n. Na triu ei păng triu tơpôl âu lu sư gô jing minh tơpôl lơ kiơ̆ minh 'nu Inh wei-lăng.

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

II Kor 9:6

Iĕm 'nĕ hiơt kơ tơdrong âu: Bơngai bu rei tŏ sĕt gô kĕch tŏ sĕt; bơngai bu rei lơ, sư gô kĕch lơ.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.