Markôs 4:15 - Sơ̆p Hlabơar Nơ̆r 'Bok Kei-Dei

¹⁵ Lăp đe bơtho nơ̆r 'Bok Kei-Dei, lu bơngai mơ'nah thoi lĕ kơ găr 'ba đêl đe rei mơ'nah huŏng 'bơ̆t trong. Lu sư kơtơ̆ng ră nơ̆r 'Bok Kei-Dei, na yang Satan yŏng pơgơ̆r yang kơnê̆, sư tơgar iŏk nơ̆r đêl đe bơtho 'noh.

Markôs 4:15 Iomraidhean Croise

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Sa 3:1

Đơ̆ng noh, Kră Yang ăn kơ inh 'bôh 'bok soi tơm Jôsua oei dơ̆ng 'bơ̆t anăp linh jang Kră Yang păng Satana oei gah 'ma kơ sư wă kêng sư.

Mathiơ 13:19

Lu bơngai mơ̆ng đe bơtho tơdrong 'Bok Kei-Dei wă pơgơ̆r bơ̆n, lu mơ'nah ưh kơ hlôh, lu sư thoi lĕ găr 'ba đe rei huŏng 'bơ̆t trong. Na yang kơnê̆ Satan năm tơbeh lê̆ kuă ăn iŏk nơ̆r đe bơtho 'noh.

Mathiơ 22:5

Mă-lei lu bơngai mă sư wơ̆n ei oei ưh kơ chu kơ năm sŏng sa 'mơ̆i, lu sư khan ưh kơ kăl. Lu sư kơtơ̆ng boih bơngai jang kơ 'bok pơtao năm krao lu sư, mă-lei lu sư mơ'nah năm jang tơ mir, mơ'nah hăt kơ năm mơdro sa.

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Markôs 4:14

Bơngai mă rei adrĕch 'ba 'noh wă khan bơngai bơtho nơ̆r 'Bok Kei-Dei.

Markôs 4:16

Lu bơngai mă thoi lĕ găr 'ba huŏng tơ teh tơmo kư̆m thoi noh mơ̆n. Lu sư kơtơ̆ng đe bơtho nơ̆r 'Bok Kei-Dei, lu sư hưch hanh kư̆m iŏk ră nơ̆r noh mơ̆n.

Markôs 4:4

Lăp sư rei, đei găr mơ'nah huŏng tơ trong, na sem jur choh sa.

Luka 8:12

Pơtih gia găr mă huŏng tơ trong noh hei wă khan lu bơngai mă mơ̆ng ră mă-lei yang kơnê̆ Satan dang lĕ iŏk nơ̆r noh đơ̆ng lu sư wă kơ lu sư ưh kơ lui kơ 'Bok Kei-Dei, na ưh kơ klaih đơ̆ng tơdrong yoch.

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

II Kor 2:11

Na dang ei đĭ-đăng kơ bơ̆n 'nĕ pă jô̆ yo kơ bơngai mă yoch noh, hli kơ sư hiong lăm tơdrong yang Satan, yua kơ bơ̆n băt kơ yang Satan sư pơhlŭ hơgei dêh.

II Tes 2:9

Bơngai kơnê̆ ei truh, sư yua tơdrong mơsêh đơ̆ng yang Satan ăn kơ sư wă kơ sư pơm kơ đe tơdrong chrơp. Sư pơm tơdrong chrơp 'noh chă hơlĕnh kơ kon bơngai đĕch.

Hêbrơ 12:16

Iĕm athei kơchăng, wă kơ lơ̆m lu iĕm huay kơ đei bu ngôi pơyô kư̆ kă, dah pơhơi tơdrong 'Bok Kei-Dei thoi Êsâu sơ̆. Sư tĕch đĭ dôm mŭk tơmam mă 'bă sư wă ăn kơ sư yua kơ sư kon kơdră, mă sư tĕch pơđĭ kơ oh sư lăp minh 'măng sa đĕch.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 20:7

Tôch minh-rơbâu sơnăm ei 'mơ̆i na achăng yang Satan lĕch đơ̆ng sơlŭng jrŭ đe chĭt sư noh.