Markôs 3:22 - Sơ̆p Hlabơar Nơ̆r 'Bok Kei-Dei

²² Lu 'bok thây bơtho khôi juăt bơngai Juđê mă jur đơ̆ng Pơlei Jêrusalem lu sư khan: “Yŏng pơgơ̆r lu yang kơnê̆, măt sư Belsêbul, mơ̆t lăm akâu Yêsu boih.” Lu mơ'nah dơ̆ng khan: “Yŏng pơgơ̆r lu yang kơnê̆ tơgŭm Sư na Sư gơh pơpuh lu yang kơnê̆ nai.”

Markôs 3:22 Iomraidhean Croise

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Mathiơ 11:18

Na tơdrong iĕm kuă kơ nhi Yôhan kư̆m thoi noh mơ̆n. Sơ̆ Yôhan ơ̆t kơ por, ưh kơ et sik, na đe jô̆ kơ sư khan wơnh.

Mathiơ 12:24

Lu bơngai Pharisi kơtơ̆ng thoi noh, lu sư khan: “'Noh đơ̆ng yang Belsêbul yŏng yang kơnê̆ tơgŭm Sư na Sư gơh pơpuh lu yang kơnê̆ noh.”

Mathiơ 15:1

Đơ̆ng noh na lu bơngai Pharisi păng lu thây bơtho tơdrong juăt Juđê đơ̆ng Pơlei Jêrusalem năm tơ Yêsu. Lu sư jet Yêsu khan:

Mathiơ 9:34

Mă-lei lu bơngai Pharisi khan: “'Noh đơ̆ng yŏng pơgơ̆r yang kơnê̆ tơgŭm sư na sư gơh pơpuh lu yang kơnê̆ noh.”

Markôs 7:1

Lu bơngai Pharisi năm akŭm tơ Yêsu. Păng đei lu 'bok thây bơtho tơdrong juăt đe Juđê đơ̆ng Pơlei Jêrusalem kư̆m năm akŭm tơ Yêsu mơ̆n.

Luka 11:15

Mă-lei đei mơ'nah tơkhan dih băl: “Yua kơ yŏng pơgơ̆r yang kơnê̆, anăn sư Belsêbul, tơgŭm, na Sư gơh pơpuh lu yang kơnê̆ nai.”

Luka 5:17

Minh năr ei Yêsu oei bơtho đe na đei lu bơngai Juđê mă lui kơ 'Bok Kei-Dei kiơ̆ tơdrong Pharisi păng lu 'bok thây bơtho tơdrong juăt đe Juđê oei mơ̆ng Sư. Lu sư năm đơ̆ng rim pơlei lăm dêh Galilê păng lăm dêh Juđê păng đơ̆ng Pơlei Jêrusalem mơ̆n. Na Yêsu đei tơdrong mơsêh mơyang đơ̆ng 'Bok Kei-Dei gơh pơklaih bơngai jĭ jăn.

Yo 10:22

Hơtai ei tơ Pơlei Jêrusalem năr đe pơm giĕng lu bơngai Juđê. Pơm giĕng ei đe wă kơ 'blŏk hơdơ̆r kơ năr đe pơyơ̆r hnam akŭm 'Bok Kei-Dei tơm sơ̆.

Yo 7:20

Lu kon pơlei pơla kơtơ̆ng sư pơma thoi noh na khan kơ sư: “'Noh Ih wơnh boih, bu đei chă wă pơlôch Ih? Ưh kơ đei bu ôh.”

Yo 8:48

Lu bơngai Juđê khan kơ Sư: “Trŏ boih nhôn khan Ih bơngai Samari yang mơ̆t.”

Yo 8:52

Lu bơngai Juđê khan kơ Sư: “Dang ei nhôn băt kơ Ih bơngai yang mơ̆t tơpă boih. Abraham lôch boih, lu bơngai pơtruh nơ̆r 'Bok Kei-Dei sơ̆ kư̆m hơdai lôch đĭ, mă Ih khan bơngai bu răk nơ̆r Ih bơtho, bơngai 'noh huay kơ lôch.