Markôs 3:17 - Sơ̆p Hlabơar Nơ̆r 'Bok Kei-Dei

¹⁷ Yakơ hăm oh sư Yôhan; 'bă bre sư Sêbêđê. Sư anăn dơ̆ng bre 'bar 'nu Bôanet wă khan bre sư dang glaih yua kơ bre sư pơma 'bơ̆r re.

Markôs 3:17 Iomraidhean Croise

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Je 23:29

Nơ̆r Inh hăm trŏ thoi ŭnh? Thoi mut teh tơmo pơchah? Noh Kră Yang khan.

Mathiơ 4:21

Lu sư yak ataih 'biơ̆ đơ̆ng noh na tơ'bơ̆p dơ̆ng 'bar 'nu 'nhŏng oh nai. Anăn bre sư Yakơ hăm oh sư Yôhan kon Sêbêđê; bre sư oei kơpal thŏng-nan hăm 'bă sư oei hrăk ming jal, na Yêsu krao bre sư.

Markôs 10:35

Yakơ păng Yôhan, bre kon Sêbêđê, bre sư năm jê̆ 'bơ̆t Yêsu na khan kơ Sư: “Ơ 'Bok Thây, nhi wă kơ Ih ăn kơ nhi tơdrong nhi apinh.”

Markôs 14:33

Yêsu anhăk ba lăp pêng 'nu đĕch truh tơ anih Sư krao khan. Anăn lu pêng 'nu noh Pêtrôs, Yakơ, Yôhan. Yêsu mơ-mreh hli dêh yua kơ Sư băt kơdih wă đei tơdrong gleh truh.

Markôs 3:16

Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs;

Markôs 3:18

Đơ̆ng noh lu đe Andrê, Philip, 'Barthôlêmi, Mathiơ, Thôm, Yakơ kon Alphê, Thađê, Simôn mă kiơ̆ khŭl đe Sêlôt sơ̆;

Markôs 5:37

Yêsu ưh kơ ăn đe kiơ̆ Sư, Sư ăn lu bơngai âu đĕch kiơ̆ Sư: Pêtrôs, Yakơ păng Yôhan mă oh Yakơ.

Markôs 9:2

Tơdrâu năr đơ̆ng rŏng kơ năr noh, Yêsu anhăk Pêtrôs, Yakơ hăm Yôhan lu sư tŏk tơ kông kơjung kơdrô̆ dôm lu sư âu. Na Yêsu tơwir akâu Sư kơdih 'bơ̆t anăp lu đe pêng 'nu noh.

Luka 9:54

Lăp bre Yakơ păng Yôhan bơngai pơhrăm păng Sư 'bôh thoi noh boih, bre sư khan kơ Yêsu: “Ơ 'Bok, Ih hăm wă kơ bơ̆n athei ŭnh jruh đơ̆ng plĕnh sa pơlei đe âu?”

Yo 21:2

Pêtrôs, Thôm mă đe anăn sư Kon Kơmar, Nathanel đơ̆ng Pơlei Kanna dêh Galilê păng 'bar 'nu kon Sêbêđê păng 'bar 'nu bơngai pơhrăm buăl sư, lu sư akŭm pơđâu tơduă lu sư.

Jang 12:1

Hơtai ei pơtao Hêrôt rôp lu bơngai lui kơ Yêsu mơ'nah wă kơ pơrăm lu sư.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Tơdrông Tơ'bôh 10:11

Na sư khan kơ inh dơ̆ng thoi âu: “Ih athei pơtruh kơ lơ dêh char, teh đak, nơ̆r pơma khŭl kon bơngai păng lu 'bok pơtao kơ tơdrong wă truh kơ lu sư.”