Markôs 2:27 - Sơ̆p Hlabơar Nơ̆r 'Bok Kei-Dei

²⁷ Yêsu khan dơ̆ng kơ lu bơngai Pharisi: “'Bok Kei-Dei pơjing năr pơdơh Sa'bat wă pơyua kon bơngai đei năr pơdơh, ưh kơ sĭ Sư pơjing năr Sa'bat wă kơ kon bơngai iŏk tơdrong gleh ôh.

Markôs 2:27 Iomraidhean Croise

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Êsêkiên 20:20

Wei răk bĕ lu năr Sa'bat Inh 'lơ̆ng rơgoh, wă kơ sư jing tơdra tŏk-bŏk Inh hăm lu iĕm, wă kơ lu iĕm băt Inh boih Kră Yang 'Bok Kei-Dei lu iĕm.

Markôs 2:28

Inh Kon Bơngai, Inh Yŏng tơm kơ năr pơdơh Sa'bat.”

Luka 6:9

Na Yêsu khan kơ lu đe ei thoi âu: “Inh wă jet iĕm, lăm năr pơdơh Sa'bat, kiơ̆ kơ tơdrong juăt bơ̆n athei pơm tơdrong 'lơ̆ng dah tơdrong kơnê̆, tơgŭm mơnat kon bơngai dah pơlôch bơngai?”

Yo 7:23

Iĕm jang kăt tơdra akar đe lăm năr pơdơh kư̆m gơh; liơ iĕm hil kơ Inh pơklaih bơngai jĭ jăn lăm năr pơdơh mơ̆n? Inh pơklaih bơngai jĭ jăn lăm năr pơdơh Sa'bat, noh trŏ hloh kơ iĕm kăt tơdra akar đe lăm năr pơdơh Sa'bat.

II Kor 4:15

Dôm tơdrong nhôn adrin jang wă pơyua iĕm păng wă kơ tơdrong 'Bok Kei-Dei 'mêm mơnat kơ kon bơngai rai jơ̆p teh, wă kơ kon bơngai bơnê hăm pơang anăn Sư rai lơ.

Both 5:12

Iĕm athei 'blŏk kơ năr tơpơh wă pơm năr giĕng 'lơ̆ng rơgoh, kư̆m thoi Kră Yang 'Bok Kei-Dei iĕm pơkă ăn boih kơ iĕm.

Both 5:14

Mă-lei lăm năr tơpơh noh năr pơdơh Kră Yang 'Bok Kei-Dei iĕm; 'nĕ kơ bơ̆jang minh tơdrong kiơ, kon drŏ-nglo kon drŏ-kăn iĕm, đĭch drŏ-nglo đam drŏ-kăn iĕm, dah rơmo, aseh iĕm, dah lu sem dơrong iĕm, dah lu tơmoi chă oei pơdơh lăm hnam iĕm, wă kơ lu đĭch đam drŏ-nglo drŏ-kăn iĕm kư̆m pơdơh thoi iĕm mơ̆n.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.