Markôs 2:26 - Sơ̆p Hlabơar Nơ̆r 'Bok Kei-Dei

²⁶ Lu sư mơ̆t lăm hnam akŭm 'Bok Kei-Dei tơm, Abiatha oei pơm 'bok soi tơm sơ̆. Đawit sư ưh kơ pơm 'bok soi ôh, mă-lei sư kư̆m gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh sa; mă-lei 'bok Đawit sư iŏk asong kơ lu bôl sư sa mơ̆n.”

Markôs 2:26 Iomraidhean Croise

II Sam 15:24

Kŭm đei Sađŏk 'bok soi păng đĭ-đăng bơngai Lêwi tung Hom pơgơ̆p Kră Yang 'Bok Kei-Dei. Lu sư tơjur Hom Pơgơ̆p Kră Yang 'Bok Kei-Dei, na Abiathar 'bok soi pơyơ̆r tơmam soi gô dĭng đĭ-đăng kon pơlei yak hlôi đơ̆ng pơlei 'mơ̆i.

II Sam 15:29

Thoi noh na Sađŏk 'bok soi păng Abiathar tung ba Hom Pơgơ̆p Kră Yang 'Bok Kei-Dei brŏk tơ pơlei Jêrusalem păng oei hloi tơ noh.

II Sam 15:35

To 'bar 'nu 'bok soi Sađŏk păng Abiathar kư̆m oei tơ noh hơdai hăm ih, ih athei roi ăn kơ bre sư băt dôm tơdrong kiơ ih băt đơ̆ng lăm hnam pơtao.

II Sam 20:25

Sêwa pơm bơngai chih hla bơar; Sađŏk păng Abiathar pơm 'bok soi.

II Sam 8:17

Sadok kon tơdăm, Ahitup păng Ahimelek kon tơdăm Abiathar pơm 'bok soi; păng Sêraia pơm 'bok yŏng chih hla bơar.

I Pot 1:7

Sư pơđâu băl hăm Jôap kon drŏ-nglo Sêruia păng hăm 'bok soi Abiathar. Lu sư kiơ̆ Adonija păng tơgŭm sư.

I Pot 2:22

Mă-lei pơtao Sôlômôn tơl mĕ sư: “Liơ ih apinh Abisak bơngai drŏ-kăn Sunamit ăn kơ Adonija pơm akăn? Liơ mĕ ưh kơ apinh iŏk đĭ dêh char 'nâu ăn kơ sư hloi, yua kơ sư 'nhŏng inh, liơ mĕ ưh kơ apinh ăn kơ sư 'bok soi Abiathar păng Jôap kon drŏ-nglo Sêruia hai.”

I Pot 4:4

Bênaia kon drŏ-nglo Jêhôiada pơm yŏng linh: Sađôk păng Abiathar pơm 'bok soi,

I Ho 24:6

Sêmaia bơngai chih hla bơar, kon drŏ-nglo Nethanel, sư lăm adrĕch adrung Lêwi, chih anăn lu sư tơmơ̆t lăm sơ̆p hla bơar 'bơ̆t anăp pơtao, lu yŏng pơgơ̆r noh 'bok soi Sađôk, Ahimelek, kon drŏ-nglo Abiathar, lu bơngai yŏng kơdră lăm adrĕch 'bă 'bok soi păng bơngai Lêwi; kư̆ rim adrĕch kon sâu Êlêasar hlang iŏk minh 'nu, đơ̆ng adrĕch kon sâu Ithamar kư̆m hlang iŏk minh 'nu.

Mathiơ 12:4

Lu sư mơ̆t tơ hnam 'Bok Kei-Dei tơm. Đawit sư ưh kơ pơm 'bok soi ră, mă-lei sư gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh iŏk sa, mă-lei lu bôl Đawit gơh iŏk sa mơ̆n.

Markôs 2:25

Yêsu khan kơ lu sư: “Iĕm tam biơh đŏk lăng lăm hla bơar tơdrong pơtao Đawit ôh hă? Sơ̆ sư kư̆m pơm ưh kơ trŏ kơ tơdrong juăt mơ̆n, sư păng lu bôl sư pơngot ưh kơ đei tơmam sa.

I Sam 21:1

Đawit truh tơ pơlei Nŏp, tơ'bơ̆p 'bok soi tơm Ahimelek. Ahimelek hli tơtơ̆, kơdâu sơng iŏk sư, na jet: Liơ minh drô̆ ih đĕch ưh kơ đei bu kiơ̆ ih?

I Sam 23:6

Na, kơplah Abiathar, kon drŏ-nglo Ahimelek, kơdâu klĕnh tơ Đawit tơ pơlei Kêila, đei chĕp ba êphot.

I Sam 23:9

Wă Đawit băt Sôl chă wă pơrăm sư, na sư khan kơ 'bok soi tơm Abiathar: Chĕp ba ao êphot tơ âu.