Markôs 2:24 - Sơ̆p Hlabơar Nơ̆r 'Bok Kei-Dei

²⁴ Na lu bơngai Pharisi khan kơ Yêsu: “Ih lăng. Kơlih kơ kiơ lu sư pơm ưh kơ trŏ lăm năr pơdơh, năr pơdơh khan jang?”

Markôs 2:24 Iomraidhean Croise

Le 20:10

Mă-lei năr mă tơpơh wă khan năr pơdơh kơ Kră Yang 'Bok Kei-Dei iĕm: Lăm năr 'noh ih, kon drŏ-nglo, kon drŏ-kăn, đĭch đam sem dơrong ih, dah tơmoi oei lăm hnam ih, 'nĕ kơ jang minh tơdrong kiơ ôh;

Le 31:15

Đe gô bơ̆jang lăm tơdrâu năr, mă-lei năr mă tơpơh jơ̆ năr Sa'bat, năr pơdơh, năr 'lơ̆ng rơgoh ăn kơ Kră Yang. Lăm năr Sa'bat, dah bơngai bu bơ̆jang minh tơdrong kiơ, đe gô pơpuh sư.

Êsai 56:2

Pŭn dêh kơ bơngai bu pơm tơdrong noh! Păng pŭn dêh kơ kon sâu đe bu wei kơjăp tơdrong trŏ; wă khan wei răk ưh kơ pơm glăi năr pơdơh Sa'bat păng wei ti ưh kơ pơm minh tơdrong kơnê̆ ayơ.”

Êsai 56:4

Kră Yang khan thoi âu: Lu bơngai krĕo wei năr pơdơh Sa'bat Inh. Rơih iŏk dôm tơdrong Inh lăp đon, chĕp kơjăp nơ̆r pơgơ̆p Inh,

Êsai 56:6

Dôm Lu bơngai tơmoi mă đei pơgơ̆p hăm Kră Yang bơih, wă chu kiơ̆ kơ Sư 'mêm kơ anăn Kră Yang păng wă pơm đĭch đam Sư; lu bơngai noh wei răk năr pơdơh Sa'bat huay kơ pơm glăi, păng chĕp kơjăp nơ̆r pơgơ̆p Inh.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Mathiơ 12:2

Lu bơngai Pharisi 'bôh thoi noh na khan kơ Yêsu: “Ih lăng, lu bơngai pơhrăm păng Ih pơm ưh kơ trŏ lăm năr pơdơh, năr pơdơh khan jang.”

Markôs 2:16

Na lu 'bok thây bơtho tơdrong juăt đe Juđê gah khŭl đe Pharisi 'bôh Yêsu sŏng sa hơdai lu đe noh, na lu sư jet lu bơngai pơhrăm păng Yêsu: “Kơlih kơ kiơ Yêsu Sư sŏng sa hơdai lu bơngai iŏk jên thuê̆ hăm lu bơngai pơm yoch?”

Markôs 2:25

Yêsu khan kơ lu sư: “Iĕm tam biơh đŏk lăng lăm hla bơar tơdrong pơtao Đawit ôh hă? Sơ̆ sư kư̆m pơm ưh kơ trŏ kơ tơdrong juăt mơ̆n, sư păng lu bôl sư pơngot ưh kơ đei tơmam sa.

Markôs 2:7

“Yua kơ kiơ bơngai 'nâu pơma thoi noh? Sư pơma blông kơ 'Bok Kei-Dei. Bu mă gơh pơklaih yoch bơ̆n? Pôm 'Bok Kei-Dei đĕch gơh pơklaih yoch bơ̆n.”

Hêbrơ 12:3

Iĕm athei pơwao kơ Yêsu, Sư iŏk dôm tơdrong lu bơngai yoch pơm kơnê̆ pơ'brơh kơ Sư; thoi noh na iĕm kư̆m lei-lăi 'nĕ kơ klai, 'nĕ kơ lao đon; athei adrin hăt hăi thoi Sư ling-lang.