Markôs 2:18 - Sơ̆p Hlabơar Nơ̆r 'Bok Kei-Dei

¹⁸ Kơplah ei lu bơngai pơhrăm păng Yôhan hăm lu bơngai Pharisi oei ơ̆t kơ sŏng sa. Lu sư pơrơ̆ng ơ̆t kơ sŏng sa yua wă kơkuh kơ 'Bok Kei-Dei. Na đe jet Yêsu thoi âu: “Liơ lu bơngai pơhrăm păng Yôhan hăm lu bơngai Pharisi ơ̆t kơ por, mă lu bơngai pơhrăm păng Ih ưh kơ ơ̆t?”

Markôs 2:18 Iomraidhean Croise

Mathiơ 23:5

“Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:18

wă kơ đe ưh kơ băt tơdrong iĕm ơ̆t kơ por. Thoi noh na 'Bă bơ̆n Yang mă iĕm ưh kơ gơh 'bôh, Sư 'bôh tơdrong hrĕp iĕm pơm noh na Sư mơnat, Sư asong tơdrong iĕm apinh Sư noh tơpă.

Markôs 2:19

Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh, lu sư ưh kơ đei bu ơh sơ'ngon ơ̆t kơ sŏng sa ôh.

Luka 18:12

Rim giĕng inh juăt kơ ơ̆t kơ por 'bar 'măng. Dôm tơmam inh đei inh juăt kơ pơyơ̆r minh lăm mơjĭt.’

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.