Markôs 16:18 - Sơ̆p Hlabơar Nơ̆r 'Bok Kei-Dei

¹⁸ dah sư rôp 'bơm 'bih mă 'bih choh sư păng dah sư sa et 'bơm tơmam bơnhŭl, lu sư ưh kơ đei jĭ ôh; păng sư gô pel akâu đe jĭ jăn, na akâu đe gô klaih.”

Markôs 16:18 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Horiso 91:13

Ih gô yak juă kơpal kơ̆l 'bih dong păng dăm-brang; Gah dăm-brang păng 'bih choh lôch ih juă bơhlơ̆r lê̆ tơ ala jơ̆ng.

Markôs 5:23

Sư apinh lung Yêsu khan: “Kon adruh inh wă jê̆ lôch. Apinh Ih năm chro ti pel akâu sư wă kơ sư klaih, huay kơ lôch.”

Luka 10:19

Inh ăn boih kơ iĕm gơh juă 'bih păng aguăt. Inh kư̆m ăn dôm tơdrong yang kơnê̆ thuơ kơ iĕm ngăl, ưh pă đei bu pơ̆n pơm kơ iĕm boih.

Jang 19:12

Bơngai lui iŏk che mu-suar păng kơn đêl Pôl yua kơdih, pơchĕp kơ đe jĭ jăn, na tơdrong jĭ lu sư klaih păng lu yang kơnê̆ lĕch đĭ đơ̆ng akâu lu sư.

Jang 3:12

Pêtrôs 'bôh lu sư năm na khan kơ lu sư: “Ơ khŭl Isơrael, iĕm ưh pơwao kiơ kơ đon, na iĕm lăng 'bloh kơ nhi tơdrong nhi pơklaih bơngai hơwen hơwo âu khan tơdrong mơsêh nhi pơm kơdih yua kơ nhi bơngai 'lơ̆ng? Ưh ôh.

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Jang 4:22

Bơngai đêl hơwen hơwo ei sư hloh puăn-jĭt sơnăm boih.

Jang 4:30

Apinh Ih yua mơsêh mơyang Ih wă pơklaih đe jĭ jăn. Păng apinh Kon Ih Yêsu mă 'lơ̆ng tơpăt ăn kơ nhôn pơm lơ tơdrong mơsêh mơyang.”

Jang 9:34

Pêtrôs khan kơ Anêa: “Ơ Anêa, Yêsu Krist wă pơklaih ih dang ei, ih iung bĕ, chơ̆p hơmet buk ih.” Đơ̆ng noh Anêa sư iung hloi.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

I Kor 12:9

Sư ăn kơ bơngai 'nâu đei đon lui kơjăp păng Sư kư̆m ăn kơ bơngai to gơh pơklaih bơngai jĭ jăn.