Markôs 16:14 - Sơ̆p Hlabơar Nơ̆r 'Bok Kei-Dei

¹⁴ Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Markôs 16:14 Iomraidhean Croise

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Mathiơ 11:20

Đơ̆ng noh Yêsu lach kơ kon pơlei pơla 'bôh Sư pơm lơ tơdrong mơsêh mơyang tơ pơlei lu sư, mă-lei lu sư ưh kơ wă tơbral kơdih tơdrong yoch.

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

Mathiơ 28:17

Lăp lu sư 'bôh Yêsu boih, lu sư kơkuh bơnê kơ Yêsu. Mă-lei đei lu mơ'nah ưh tam gan lui kơ to 'noh Yêsu.

Markôs 7:18

Na Yêsu khan kơ lu sư: “Tơdrong pơtih gia 'noh hei iĕm kư̆m ưh kơ hlôh mơ̆n hă? Tơmam sa đơ̆ng 'ngoaih mơ̆t lăm klak kon bơngai ưh kơ gơh pơm kơ kon bơngai yoch ôh.

Luka 24:11

Mă-lei lu bơngai pơhrăm păng Yêsu ngêh kơ lu drŏ-kăn ei hơlĕnh đĕch, na lu sư ưh kơ lui.

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Yo 20:25

Thoi noh lu bơngai pơhrăm nai khan kơ Thôm: “Nhôn 'bôh boih Kră Yang bơ̆n Yêsu.” Mă-lei Thôm khan: “Dah inh ưh kơ 'bôh đêl rơka kơđĭnh tơ ti Sư, dah inh ưh kơ tŏt hơnglâu ti inh tơ đêl rơka noh, hăm ti inh ưh kơ tŏt tơ rơhiĕo Sư, lei inh ưh kơ lui.”

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Yo 20:27

Păng Sư khan kơ Thôm: “Pel ti ih 'bơ̆t âu, lăng ti Inh păng chro ti ih tŏt 'bơ̆t rơhiĕo Inh. Ih 'nĕ pă sơngah, athei ih lui bĕ.”

Yo 21:1

Đơ̆ng rŏng kơ noh Yêsu tơ'bôh akâu Sư minh wơ̆t dơ̆ng kơ lu bơngai pơhrăm păng Sư tơ jih đak dơsĭ Galilê. Sư tơ'bôh akâu Sư thoi âu:

Yo 21:14

Yêsu tơ'bôh akâu Sư kơ lu bơngai pơhrăm păng Sư pêng 'măng kơ âu boih đơ̆ng rŏng kơ Sư iung arih đơ̆ng lôch.

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

I Kor 15:5

Klaih kơ noh Yêsu Krist tơ'bôh akâu Sư kơ Pêtrôs păng tơ'bôh kơ mơjĭt-'bar 'nu jơ̆ng 'bang Sư.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.