Markôs 16:13 - Sơ̆p Hlabơar Nơ̆r 'Bok Kei-Dei

¹³ Bre sư brŏk roi kơ lu bôl sư mă-lei lu bôl sư ưh kơ lui kơ bre sư mơ̆n.

Markôs 16:13 Iomraidhean Croise

Mathiơ 28:17

Lăp lu sư 'bôh Yêsu boih, lu sư kơkuh bơnê kơ Yêsu. Mă-lei đei lu mơ'nah ưh tam gan lui kơ to 'noh Yêsu.

Markôs 16:11

Lăp lu sư kơtơ̆ng Mari khan Yêsu iung arih păng Mari khan kơ lu sư, sư 'bôh Yêsu tơpă ră, mă-lei lu sư ưh kơ lui.

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Luka 16:31

Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Luka 24:11

Mă-lei lu bơngai pơhrăm păng Yêsu ngêh kơ lu drŏ-kăn ei hơlĕnh đĕch, na lu sư ưh kơ lui.

Luka 24:41

Lu sư hiôk chơt tơpă, mă-lei kư̆m oei sơleng kơ đon 'biơ̆ mơ̆n yua kơ lu sư tam mă lui tơpă. Thoi noh na Yêsu jet lu sư: “Iĕm hăm đei tơmam sa tơ âu dah ưh?”

Yo 20:25

Thoi noh lu bơngai pơhrăm nai khan kơ Thôm: “Nhôn 'bôh boih Kră Yang bơ̆n Yêsu.” Mă-lei Thôm khan: “Dah inh ưh kơ 'bôh đêl rơka kơđĭnh tơ ti Sư, dah inh ưh kơ tŏt hơnglâu ti inh tơ đêl rơka noh, hăm ti inh ưh kơ tŏt tơ rơhiĕo Sư, lei inh ưh kơ lui.”

Yo 20:8

Thoi noh bơngai pơhrăm mă truh hơdrol 'noh kư̆m mơ̆t tơ lăm bơsat, sư 'bôh na sư lui kơ Yêsu iung arih boih.