Markôs 16:11 - Sơ̆p Hlabơar Nơ̆r 'Bok Kei-Dei

¹¹ Lăp lu sư kơtơ̆ng Mari khan Yêsu iung arih păng Mari khan kơ lu sư, sư 'bôh Yêsu tơpă ră, mă-lei lu sư ưh kơ lui.

Markôs 16:11 Iomraidhean Croise

Jop 9:16

Mă Sư tơl nơ̆r inh krao apinh, inh kư̆m oei ưh kơ ngeh Sư mơ̆ng nơ̆r inh

Le 6:9

Môis pơma khan kơ kon pơlei Isơrael thoi noh; mă-lei lu sư ưh kơ wă mơ̆ng Môis ôh yua kơ lu sư ơh sơ'ngon kơtơ̆ng đĭch đam pơmat-tat dêh tơpă.

Mathiơ 28:17

Lăp lu sư 'bôh Yêsu boih, lu sư kơkuh bơnê kơ Yêsu. Mă-lei đei lu mơ'nah ưh tam gan lui kơ to 'noh Yêsu.

Markôs 9:19

Na Yêsu khan kơ lu sư: “Ơ lu iĕm mă oei lui rơdu hơnơ̆ng, iĕm wă kơ Inh oei hơdai iĕm đunh dang yơ 'mơ̆i, na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Luka 24:11

Mă-lei lu bơngai pơhrăm păng Yêsu ngêh kơ lu drŏ-kăn ei hơlĕnh đĕch, na lu sư ưh kơ lui.

Luka 24:41

Lu sư hiôk chơt tơpă, mă-lei kư̆m oei sơleng kơ đon 'biơ̆ mơ̆n yua kơ lu sư tam mă lui tơpă. Thoi noh na Yêsu jet lu sư: “Iĕm hăm đei tơmam sa tơ âu dah ưh?”

Yo 20:25

Thoi noh lu bơngai pơhrăm nai khan kơ Thôm: “Nhôn 'bôh boih Kră Yang bơ̆n Yêsu.” Mă-lei Thôm khan: “Dah inh ưh kơ 'bôh đêl rơka kơđĭnh tơ ti Sư, dah inh ưh kơ tŏt hơnglâu ti inh tơ đêl rơka noh, hăm ti inh ưh kơ tŏt tơ rơhiĕo Sư, lei inh ưh kơ lui.”