Markôs 15:32 - Sơ̆p Hlabơar Nơ̆r 'Bok Kei-Dei

³² Thoi Sư khan Sư 'Bok Krist Pơtao đe Isơrael, Sư athei jur kơdih đơ̆ng 'long pơglang dang ei hloi, na lu bơ̆n lui kơ Sư.” 'Bar 'nu bơngai mă đe pơ̆ng hơdai Yêsu kư̆m hơdai pơjăm Sư mơ̆n.

Markôs 15:32 Iomraidhean Croise

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 1:17

Đơ̆ng Abraham truh tơ Đawit đei mơjĭt-puăn jơhnơr, đơ̆ng Đawit truh tơ đe rôp anhăk lu bơngai Isơrael tơ dêh Babilôn đei mơjĭt-puăn jơhnơr, đơ̆ng đe rôp bơngai Isơrael truh tơ đe đei tơpŭ kơ nge Yêsu Krist đei mơjĭt-puăn jơhnơr mơ̆n.

Mathiơ 27:42

“Sư gơh dŏng pơklaih đe, mă-lei Sư ưh kơ gơh dŏng pơklaih akâu Sư kơdih. Thoi Sư khan Sư Pơtao đe Isơrael, Sư athei jur kơdih đơ̆ng 'long pơglang dang ei hloi, na lu bơ̆n lui kơ Sư.

Mathiơ 27:44

'Bar 'nu bơngai tơtông mă đe pơ̆ng hơdai Yêsu kư̆m hơdai pơjăm Sư thoi noh mơ̆n.

Markôs 15:26

Lu sư chih roi tơ gơ'bang iĕ pơ̆ng tơ kơpal kơ Sư, khan tơdrong kơnê̆ đe jô̆ kơ Sư pơm thoi âu: “'Bok 'nâu Pơtao đe Juđê.”

Markôs 15:27

Lu sư kư̆m pơ̆ng 'bar 'nu bơngai tơtông jê̆ hơdai Yêsu mơ̆n, minh 'nu gah 'ma, minh 'nu gah 'ngiĕo kơ Sư.

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 12:13

Lu sư pĕch iŏk dơng hla gao na năm đih sơng Sư. Lu sư pơma 'bơ̆r re khan: “Hôsana, bơnê kơ 'Bok Kei-Dei. Bơnê kơ Yêsu Pơtao Isơrael truh tơ bơ̆n yua kơ Kră Yang wơh.”

Rom 3:3

Inh kư̆m băt mơ̆n lu sư mơ'nah ưh kơ wă lui kơ tơdrong 'Bok Kei-Dei ăn kơ lu sư noh; mă lu sư ưh kơ lui, bơ̆n 'nĕ tơchĕng khan 'Bok Kei-Dei wă tŭk dôm tơdrong Sư pơkă wă tơgŭm noh, ưh ôh.

II Tim 2:18

Thoi noh na bre sư tŭk lê̆ tơdrong 'Bok Kei-Dei. Bre sư kư̆m pơma pơtuah lu bơngai lui mơ'nah jing achăng lê̆ tơdrong lui mơ̆n. Bre sư bơtho ưh kơ trŏ gah tơdrong bơ̆n wă iung arih ning-mônh, bre sư khan bơ̆n ưh kơ iung arih đơ̆ng lôch ôh.