Markôs 15:26 - Sơ̆p Hlabơar Nơ̆r 'Bok Kei-Dei

²⁶ Lu sư chih roi tơ gơ'bang iĕ pơ̆ng tơ kơpal kơ Sư, khan tơdrong kơnê̆ đe jô̆ kơ Sư pơm thoi âu: “'Bok 'nâu Pơtao đe Juđê.”

Markôs 15:26 Iomraidhean Croise

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Êsai 10:7

Mă-lei sư ưh kơ wă thoi noh. Lăm jơhngơ̆m sư ưh kơ tơchĕng thoi noh ôh sư wă 'maih pơrăm tơhiong lê̆ lơ dêh char.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 2:2

“Tơ yơ anih mă đe 'nao tơpŭ kơ pơtao Juđê? Nhôn 'bôh sơnglŏng Sư đơ̆ng gah hơlĕch, na nhôn hnhoi sơnglŏng noh truh tơ âu wă năm kơkuh kơ Sư.”

Mathiơ 27:37

Lu sư chih roi tơ gơ'bang iĕ pơ̆ng tơ kơpal kơ Yêsu khan tơdrong kơnê̆ đe jô̆ kơ Sư pơm thoi âu: “'Bok 'nâu, anăn sư Yêsu, 'Bok Pơtao đe Juđê.”

Markôs 15:2

Pilat jet Yêsu: “Hăm trŏ kơ Ih pơm Pơtao đe Juđê?” Na Yêsu khan: “Trŏ kơ Inh boih.”

Markôs 15:27

Lu sư kư̆m pơ̆ng 'bar 'nu bơngai tơtông jê̆ hơdai Yêsu mơ̆n, minh 'nu gah 'ma, minh 'nu gah 'ngiĕo kơ Sư.

Markôs 15:32

Thoi Sư khan Sư 'Bok Krist Pơtao đe Isơrael, Sư athei jur kơdih đơ̆ng 'long pơglang dang ei hloi, na lu bơ̆n lui kơ Sư.” 'Bar 'nu bơngai mă đe pơ̆ng hơdai Yêsu kư̆m hơdai pơjăm Sư mơ̆n.

Both 23:5

Mă-lei Kră Yang 'Bok Kei-Dei lu iĕm ưh kơ wă mơ̆ng Balaam, na tơplih lê̆ tơdrong hiap pơtê̆ jing tơdrong sơkat pŭn hiôk ăn kơ lu iĕm, yua kơ Kră Yang 'Bok Kei-Dei lu iĕm 'mêm mơnat kơ lu iĕm.