Markôs 14:72 - Sơ̆p Hlabơar Nơ̆r 'Bok Kei-Dei

⁷² Đang sư pơma thoi noh lêk kơ iĕr ŏ hloi 'măng mă 'bar. Pêtrôs 'blŏk hơdơ̆r hloi kơ tơdrong Yêsu khan kơ sư khan: “Hơdrol kơ iĕr ŏ 'bar 'măng, ih gô sơngah kơ Inh pêng 'măng.” Pêtrôs 'blŏk hơdơ̆r kơ tơdrong 'noh na sư hmoi ơh kơdih.

Markôs 14:72 Iomraidhean Croise

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Mathiơ 26:34

Yêsu khan kơ Pêtrôs: “Inh khan kơ ih tơpă, măng kơnh boih hơdrol kơ iĕr ŏ, ih gô sơngah kơ Inh pêng 'măng khan ih ưh kơ băt kơ Inh.”

Markôs 14:30

Yêsu khan kơ sư: “Inh khan kơ ih tơpă, măng kơnh boih, hơdrol kơ iĕr ŏ 'bar 'măng, ih gô sơngah kơ Inh pêng 'măng khan ih ưh kơ băt kơ Inh.”

Markôs 14:68

Na Pêtrôs sơngah khan: “Inh ưh kơ hlôh ih wă pơma kơ inh tơdrong kiơ ră.” Na Pêtrôs lĕch đơ̆ng noh ngôi kiơ̆ trong 'măng tơm.

Markôs 14:71

Na Pêtrôs sơngah hiap akâu sư kơdih khan: “Inh ưh kơ băt tơpă bơngai mă iĕm khan noh.”

Luka 22:60

Mă-lei Pêtrôs khan: “Ơ ma, inh ưh kơ băt ôh ih wă pơma kơ inh tơdrong kiơ ră.” Kơplah Pêtrôs oei pơma sơngah kơ tơdrong ei, lêk kơ iĕr ŏ hloi.

Luka 22:62

Thoi noh na sư lĕch hmoi ơh kơdih sư.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.