Markôs 14:50 - Sơ̆p Hlabơar Nơ̆r 'Bok Kei-Dei

⁵⁰ Đang Sư pơma thoi noh bru đĭ-đăng lu bơngai pơhrăm păng Sư achăng Sư kơdâu jăk tơ nai.

Markôs 14:50 Iomraidhean Croise

Horiso 38:11

Lu buăl juăt lu bơngai mơnat kơ inh oei ataih đơ̆ng inh yua kơ inh đei pơmat-tat. Păng 'nhŏng oh inh oei ataih kơ inh mơ̆n.

Horiso 88:18

Ih pơm kơ lu buăl juăt bơngai inh 'mêm weh achăng lê̆ inh. Anih măng mu pơm buăl juăt jê̆ inh anih măng mu.

Êsai 63:3

“Minh 'nu Inh đĕch pơjuă păng hmĕt đak hơmu, ưh kơ đei bu mă đơ̆ng kon pơlei oei hăm Inh. Lăm tơdrong hil Inh pơjuă lu sư, lăm tơdrong Inh mĭl Inh pơjuă bơhlơ̆r lu sư. Pham lu sư tơprah 'bơm ao Inh, ao tai Inh pham klep jơ̆p-jang.

Markôs 14:27

Na Yêsu roi kơ lu bơngai pơhrăm păng Sư: “Đĭ-đăng kơ iĕm kơdâu achăng lê̆ Inh, yua kơ đei nơ̆r chih roi lê̆ hơdrol boih thoi âu: ‘'Bok Kei-Dei gô pơlôch tơ'ngla wei triu, triu kơdâu tơklah đơ̆ng tơ'ngla sư.’

Markôs 14:49

Bĭ rim năr Inh oei tơ tŏk-bŏk lu iĕm, bơtho iĕm tơ lăm hnam akŭm tơm, iĕm kuă kơ kiơ kơ rôp Inh tơ noh lĕ? Mă-lei tơdrong noh 'Bok Kei-Dei ăn wă kơ 'blep kơ tơdrong đe chih roi lê̆ hơdrol lăm sơ̆p hla bơar Sư sơ̆.”

Markôs 14:51

Đei minh 'nu bơngai tơdăm kiơ̆ Yêsu, sư asu minh blah khăn kok đĕch, na lu đe ei rôp sư ră.

Yo 16:32

Mă-lei pă 'biơ̆ kơnh, wă jê̆ truh boih, đĭ-đăng kơ lu iĕm kơdâu sơlah gah kơdih kơdih brŏk tơ hnam tŭk kơdrô̆ Inh đĕch. Mă tơpă Inh ưh kơ oei kơdrô̆ Inh ôh. 'Bă Inh oei hơdai păng Inh.

Yo 18:8

Yêsu khan dơ̆ng: “Inh khan kơ iĕm boih Inh bơngai noh. Dah lu iĕm wă rôp Inh, apinh iĕm ăn kơ lu bơngai kiơ̆ Inh âu brŏk.”

II Tim 4:16

Đe sek tơlang inh minh 'măng boih, inh pơma dŏng akâu inh kơdih ưh kơ đei bu tơdŏng inh. Đĭ-đăng lu sư tŭk inh. Inh kư̆m apinh 'Bok Kei-Dei huay jô̆ yo kơ lu sư mơ̆n.