Markôs 14:24 - Sơ̆p Hlabơar Nơ̆r 'Bok Kei-Dei

²⁴ Na Yêsu khan kơ lu sư: “Đak hơmu âu boih pham Inh wă lĕch tang ăn lơ bơngai na 'Bok Kei-Dei pơklaih tơdrong yoch lu sư.

Markôs 14:24 Iomraidhean Croise

Le 24:8

Na Môis iŏk pham săi tơ akâu kon pơlei pơla na khan: 'Nâu boih pham pơgơ̆p hăm Kră Yang pơsĭt boih hăm lu iĕm kiơ̆ thoi nơ̆r pơkă pơkăm.

Je 31:31

Kră Yang khan: “Khei 'năr gô truh, kơplah noh Inh gô pơgơ̆p 'nao hăm lu bơngai Isơrael păng lu adrĕch Juđa.

Sa 9:11

“Gah ih kư̆m lei-lăi, yua kơ đơ̆ng pham tơdrong Inh pơgơ̆p hăm ih, na Inh gô pơklaih lu bơnă đơ̆ng sơlŭng mă ưh kơ đei đak.

Markôs 10:45

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Markôs 14:23

Sư iŏk dơ̆ng minh pôm kơchŏk đak hơmu, krao khan bơnê kơ 'Bok Kei-Dei na ăn kơ lu sư. Klaih kơ noh đĭ-đăng kơ lu sư huch.

Markôs 14:25

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bok Kei-Dei pơgơ̆r ning-mônh 'mơ̆i, na Inh gô huch đak hơmu 'nao.”

Luka 22:20

Kư̆m thoi noh mơ̆n, đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn kơ lu iĕm. Thoi noh na 'Bok Kei-Dei gô pơklaih iĕm đơ̆ng tơdrong yoch.

Yo 6:53

Yêsu khan kơ lu sư: “Inh khan kơ iĕm tơpăt, dah iĕm ưh kơ sa sĕch akar Inh Kon Bơngai păng ưh kơ huch sa pham Inh, lei iĕm ưh kơ đei arih ôh, iĕm dang lĕ lôch đĕch.

I Kor 10:16

Kơplah năr bơ̆n akŭm krao khan 'blŏk hơdơ̆r gah tơdrong Yêsu, bơ̆n iŏk kơchŏk đak hơmu huch, 'noh dang bơ̆n huch pham Yêsu; păng bơ̆n iŏk phĕ sa 'bĕng mi, 'noh dang bơ̆n iŏk sa akâu Sư.

I Kor 11:25

Kư̆m thoi noh mơ̆n đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn lu iĕm. Thoi noh na 'Bok Kei-Dei pơklaih iĕm đơ̆ng tơdrong yoch. Rim wơ̆t iĕm huch đak âu wă kơ iĕm 'blŏk hơdơ̆r kơ Inh.”