Markôs 14:21 - Sơ̆p Hlabơar Nơ̆r 'Bok Kei-Dei

²¹ Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Markôs 14:21 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Horiso 55:15

Ăn tơdrong lôch truh tơ lu ayăt kơ inh! Tơjur lu sư oei arih tơ lăm dêh atâu. Yua kơ tơdrong kơnê̆ oei tơ lăm hnam, lăm jơhngơ̆m lu sư.

Êsai 52:14

Đei lơ bơngai lăng tơ akâu jăn Sư hlĭch krưp ưh pă hơbŏ kơ kon bơngai, lăng akâu sư ưh pă nhen kơ kon drŏ-nglo kon bơngai.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Mathiơ 26:54

Mă-lei sơ̆p hla bơar 'Bok Kei-Dei khan Inh gô lôch tang kon bơngai, na thoi yơ Inh gơh apinh 'Bă Inh dŏng bơ̆n thoi noh?”

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Markôs 14:20

Yêsu khan kơ lu sư: “Bơngai ei minh 'nu lăm mơjĭt-'bar 'nu lăm lu iĕm mă pơhrăm păng Inh, minh 'nu lăm lu iĕm mă chơ̆m sa 'bĕng mi tơ pơnhan đak 'nhot hơdai hăm Inh.

Markôs 14:22

Kơplah lu sư sŏng sa Yêsu iŏk 'bĕng mi krao khan bơnê kơ 'Bok Kei-Dei na phĕ hloi 'bĕng mi noh asong kơ lu sư păng khan: “Iŏk sa 'bĕng âu bĕ, 'bĕng âu boih akâu Inh.”

Markôs 14:49

Bĭ rim năr Inh oei tơ tŏk-bŏk lu iĕm, bơtho iĕm tơ lăm hnam akŭm tơm, iĕm kuă kơ kiơ kơ rôp Inh tơ noh lĕ? Mă-lei tơdrong noh 'Bok Kei-Dei ăn wă kơ 'blep kơ tơdrong đe chih roi lê̆ hơdrol lăm sơ̆p hla bơar Sư sơ̆.”

Luka 22:22

Inh Kon Bơngai gô lôch 'blep trŏ thoi 'Bok Kei-Dei pơkă, mă-lei mơnat kơ bơngai mă plơ̆ plĕch Inh 'noh đĕch pŭ tơdrong pơmat.”

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 19:28

Yêsu băt tôm tơdrong đang boih. Wă kơ pơm 'blep trŏ thoi sơ̆p hla bơar 'Bok Kei-Dei khan lê̆ hơdrol, Sư khan: “Inh 'maih nhă đak.”

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.