Markôs 14:20 - Sơ̆p Hlabơar Nơ̆r 'Bok Kei-Dei

²⁰ Yêsu khan kơ lu sư: “Bơngai ei minh 'nu lăm mơjĭt-'bar 'nu lăm lu iĕm mă pơhrăm păng Inh, minh 'nu lăm lu iĕm mă chơ̆m sa 'bĕng mi tơ pơnhan đak 'nhot hơdai hăm Inh.

Markôs 14:20 Iomraidhean Croise

Tơdrông Pơđơk 19:24

Bơngai hơlah tah ti lăm chhĕr; Mă-lei oei kuă kơ tah lăm 'bơ̆r mơ̆n.

Mathiơ 26:23

Yêsu khan: “Bơngai mă chơ̆m sa 'bĕng mi tơ pơnhan đak 'nhot hơdai păng Inh, bơngai noh boih wă plơ̆ plĕch Inh.

Mathiơ 26:47

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu pơhrăm păng Yêsu. Đei lơ bơngai kiơ̆ sư chĕp tak đao mơ'nah chĕp 'long tơnôn, yua kơ lu 'bok soi tih, lu đe kră sek tơlang đe Juđê wơh lu sư năm rôp Yêsu.

Markôs 14:19

Yêsu khan kơ lu sư thoi noh, na lu sư ơh sơ'ngon. Na rim 'nu lu sư kơdih kơdih jet Sư khan: “Hăm trŏ kơ inh?” Mơ'nah dơ̆ng khan: “Inh hă?”

Markôs 14:21

Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Markôs 14:43

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu bơngai pơhrăm păng Yêsu. Đei lơ bơngai kiơ̆ sư chĕp tak đao, mơ'nah chĕp 'long tơnôn yua kơ lu 'bok soi tih, lu thây bơtho tơdrong juăt đe Juđê păng lu đe kră sek tơlang wơh lu sư năm rôp Yêsu.

Luka 22:47

Kơplah Yêsu oei pơma na blư hloi kơ lu bơngai lơ truh tơ Sư. Juđa, bơngai mă đơ̆ng lăm mơjĭt-'bar 'nu bơngai pơhrăm păng Yêsu ră, sư anhăk ba lu bơngai wă năm rôp Yêsu. Na Juđa năm hloi tơ Yêsu wă chŭm Sư kiơ̆ thoi đe Juđê juăt kơ kơkuh dih băl.

Yo 13:26

Yêsu khan: “Dang ei Inh iŏk 'bĕng mi djrŭ lăm đak 'nhĕm na ăn, bơngai bu iŏk, bơngai ei boih plơ̆ plĕch kơ Inh.” Na Yêsu iŏk 'bĕng mi djrŭ lăm đak 'nhĕm ăn kơ Juđa kon Simôn Ikariôt iŏk.

Yo 6:71

Yêsu pơma thoi noh, Sư pơma jô̆ kơ Juđa kon Simôn đơ̆ng Pơlei Ikariôt. Sư boih lăm mơjĭt-'bar 'nu ei, mă-lei sư wă plơ̆ plĕch kơ Yêsu ning-mônh.