Markôs 14:12 - Sơ̆p Hlabơar Nơ̆r 'Bok Kei-Dei

¹² Đe juăt kơ pơm giĕng sa 'Bĕng Mi Ưh Kơ Đei 'Buih Pông kơplah tơhngam năr. Na năr mă mônh lăm giĕng noh đe kư̆m juăt kơ 'bet sa triu kơ Năr Giĕng Năm Brih. Na trŏ kơ năr noh lu bơngai pơhrăm păng Yêsu jet Sư: “Ơ 'Bok Thây, Ih wă kơ nhôn hơmet kơ Ih tơmam sa Giĕng Năm Brih tơ yơ?”

Markôs 14:12 Iomraidhean Croise

Le 12:18

Năr mơjĭt-puăn lăm khei mônh, tơtil kơsơ̆, lu iĕm gô sa 'bĕng ưh kơ đei 'buih pông truh tơ năr 'bar-jĭt mônh khei 'noh.

Le 12:6

Đơ̆ng noh lu iĕm rong lê̆ truh năr mơjĭt-puăn khei 'nâu; na đĭ-đăng lu bơngai Isơrael athei rôp ba 'bet pơlôch til kơsơ̆ măng.

Le 12:8

Măng 'noh lu sư gô sa 'nhĕm kon triu 'buh phang hăm 'bĕng ưh kơ đei 'buih păng hla 'nhot tăng.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Markôs 14:1

'Bar năr hơdrol kơ Năr Giĕng Năm Brih păng giĕng sa 'Bĕng Mi Ưh Kơ Đei 'Buih Pông na lu 'bok soi tih hăm lu thây bơtho tơdrong juăt đe Juđê, lu sư pơđâu chă tơdrong gơh rôp tơtông Yêsu na pơlôch.

Markôs 14:11

Lăp lu 'bok soi tih kơtơ̆ng thoi noh, lu sư lăp đon tơpă mah pơkă khan wă apah kơ Juđa jên. Đơ̆ng noh na Juđa chă tơdrong wă plơ̆ plĕch Yêsu.

Markôs 14:13

Na Yêsu wơh 'bar 'nu bơngai pơhrăm păng Sư năm tơ Pơlei Jêrusalem. Sư khan: “Đơ̆ng âu biĕm mơ̆t tơ Pơlei Jêrusalem, tơ ei biĕm gô tơ'bơ̆p minh 'nu bơngai glơng ge đak na biĕm kiơ̆ hloi sư.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.

Both 16:5

Iĕm ưh kơ gơh pơyơ̆r tơmam soi năr giĕng Năm Brih lăm minh anih ayơ lăm dêh mă Kră Yang iĕm gô ăn kơ iĕm,