Markôs 14:11 - Sơ̆p Hlabơar Nơ̆r 'Bok Kei-Dei

¹¹ Lăp lu 'bok soi tih kơtơ̆ng thoi noh, lu sư lăp đon tơpă mah pơkă khan wă apah kơ Juđa jên. Đơ̆ng noh na Juđa chă tơdrong wă plơ̆ plĕch Yêsu.

Markôs 14:11 Iomraidhean Croise

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

II Pot 5:26

Mă-lei, Êlisê khan dơ̆ng: “'Bơ̆t bơngai 'noh jur đơ̆ng gre aseh năm tơkan sơng ih hei, bơhngol inh ưh kơ oei hăm ih tơ noh hă? Dang ei hăm trŏ kơ jơ gơh iŏk jên hu, hơbĕn ao, mir ôliwơ, mir hơmu, rơmo, triu, đĭch đam drŏ-nglo drŏ-kăn đe dah ưh?

Hôsia 7:3

Lu sư pơm tơdrong yoch wă pơhiôk kơ pơtao, păng yua tơdrong hơlĕnh lu sư pơhiôk lu kră pơgơ̆r.

Mathiơ 26:14

Đơ̆ng noh đei minh 'nu bơngai anăn sư Juđa Ikariôt, bơngai đơ̆ng mơjĭt-'bar 'nu pơhrăm păng Yêsu, sư năm tơ lu 'bok soi tih.

Mathiơ 26:15

Sư khan: “Dah inh đei rôp ăn kơ iĕm Yêsu, iĕm apah inh dôm yơ?” Na đe noh jô̆ ăn kơ sư jên, pêng-jĭt hlak jên hu so sơ̆.

Markôs 14:10

Klaih kơ noh đei minh 'nu bơngai anăn sư Juđa Ikariôt, bơngai đơ̆ng mơjĭt-'bar 'nu bơngai pơhrăm păng Yêsu, năm tơ lu 'bok soi tih wă jao Yêsu kơ lu sư.

Markôs 14:12

Đe juăt kơ pơm giĕng sa 'Bĕng Mi Ưh Kơ Đei 'Buih Pông kơplah tơhngam năr. Na năr mă mônh lăm giĕng noh đe kư̆m juăt kơ 'bet sa triu kơ Năr Giĕng Năm Brih. Na trŏ kơ năr noh lu bơngai pơhrăm păng Yêsu jet Sư: “Ơ 'Bok Thây, Ih wă kơ nhôn hơmet kơ Ih tơmam sa Giĕng Năm Brih tơ yơ?”

Luka 22:3

Kơplah noh yang Satan mơ̆t lăm jơhngơ̆m Juđa mă đe kư̆m anăn Ikariôt, bơngai minh 'nu đơ̆ng lăm mơjĭt-'bar 'nu bơngai pơhrăm păng Yêsu.

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

Ju 1:11

'Bok Kei-Dei gô phak lu sư tơpă yua kơ lu sư pơm thoi 'bok Kain sơ̆. Lu sư băt pôm tơdrong pơhlŭ đe wă kơ sa jên đe apah, thoi 'bok 'Balam sơ̆. Lu đe âu ưh kơ chu kơ yŏng sư pơgơ̆r, thoi 'bok Kôrê sơ̆ jing răm hloi.