Markôs 13:8 - Sơ̆p Hlabơar Nơ̆r 'Bok Kei-Dei

⁸ Đei dêh âu iung blah dêh to, dêh to iung blah dêh nai. Gô đei teh adrŏ lơ anih tơ âu tơ to. Păng đei tơdrong pơngot rơwĕt. Mă-lei kơplah noh tơdrong gleh truh 'nao wă pơtơm đĕch.

Markôs 13:8 Iomraidhean Croise

II Ho 15:6

Dêh char 'nâu blah pơjuă dêh char nai, pơlei âu blah pơlei to yua kơ Kră Yang 'Bok Kei-Dei ăn đei lơ tơdrong gleh pơmat wă pơrŭng lu sư.

Horiso 48:6

Tơ noh lu sư hli tơtơ̆.a Lu sư jĭ jăn pơmat thoi drŏ-kăn tơpŭ.

Êsai 19:2

“Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Êsai 37:3

Lu sư roi kơ Êsai khan: “Pơtao Hesekia pơma thoi âu: Năr âu jơ̆ năr sơ'ngon truh, 'năr đei chrih păng 'năr mơlâu, thoi drŏ-kăn anăp truh bơih năr tơpŭ kơ kon nge mă-lei ưh kơ kĕ đei jơhngơ̆m wă tơpŭ.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 22:23

Ơ lu bơngai oei lăm char Liban, pơm anih oei lăm kơdrơ̆ng 'long hơngo, ih gô tơngưih dêh kơplah đei tơdrong jĭ tuĕnh truh kơ ih, thoi lu bơngai drŏ-kăn jĭ wă hơiơch!

Je 25:32

'Nâu nơ̆r Kră Yang Tih Hloh khan: “'Nâu, tơdrong pơrăm truh tơ jơ̆p-jang đơ̆ng dêh char âu truh tơ dêh char nai; hơbŭt hơbang tih lĕch đơ̆ng anih tôch kơ teh đak.”

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Je 49:24

Pơlei Đamas jơhngơ̆m rơdu boih, kơdŭn kơdâu ôn; hli tơrơ. Jĭ tuĕnh, thoi drŏ-kăn tŏk-bŏk oei hơiơch.

Je 50:43

Pơtao Babilôn kơtơ̆ng ang gah lu sư, na ti sư rơdu rơreh rơrônh; Pơtao hli tơrơ, jơhngơ̆m sư jĭ tuĕnh thoi drŏ-kăn jĭ tơpŭ.

Je 6:24

Lu nhôn kơtơ̆ng ang boih gah lu sư, kơkŏng ti lu nhôn đĭ rơdu; Tơdrong hli gơhret lu nhôn, Jơhngơ̆m lu nhôn jĭ tuĕnh thoi drŏ-kăn wă tơpŭ.

Hagai 2:22

Inh gô blơ̆ lê̆ tang-dŏ pơtao lu dêh char, Inh pơrăm lê̆ tơdrong noh pơgơ̆r lu sư; Inh gô teh tơblơ̆ lê̆ gre păng lu bơngai hao lăm gre noh lu sư gô pơ̆k răm đơ̆ng đao sư kơdih.’ ”

Sa 14:13

Lăm năr noh, Kră Yang gô ăn tơdrong hli dêh truh tơ lu sư; yua kơ lu sư gô rôp băl ti tơduă lu sư păng ti bơngai âu gô tơblah hăm ti bơngai to.

Mathiơ 24:8

Mă-lei kơplah noh tơdrong gleh truh 'nao wă pơtơm đĕch.

Markôs 13:7

Păng iĕm kơtơ̆ng đe tơblah mă jê̆ mă ataih, iĕm 'nĕ kơ hli hŏ. Tơdrong 'noh ưh kơ jor ôh, gô đei 'mơ̆i, mă-lei năr tôch ưh tam mă truh ôh kơplah noh.

Markôs 13:9

“Păng iĕm athei kơchăng kơdih yua kơ đe gô rôp iĕm jao kơ lu kră sek tơlang. Đe gô tôn teh iĕm tơ lăm hnam akŭm đe Juđê. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh, na iĕm kư̆m gơh ră roi kơ lu sư băt kơ inh.

Jang 11:28

Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Tơdrông Tơ'bôh 6:4

Na bơngai hao aseh 'brê ei năm tơ sư. 'Bok Kei-Dei pơjao ăn kơ bơngai ei pơgơ̆r tơdrong gleh pơmat-tat jơ̆p kơ teh đak, wă kơ kon bơngai pơlôch dih băl. Na đe ăn kơ bơngai hao aseh 'brê ei minh hlak đao tih.