Markôs 13:5 - Sơ̆p Hlabơar Nơ̆r 'Bok Kei-Dei

⁵ Yêsu khan kơ lu sư: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư.

Markôs 13:5 Iomraidhean Croise

Je 29:8

Kră Yang Tih Hloh, 'Bok Kei-Dei bơngai Isơrael khan: “'Nĕ pă lê̆ lu 'bok khan lê̆ adrol păng lu pơjâu oei hơdai iĕm chă hơlĕnh kơ iĕm; păng kư̆m 'nĕ pă hlŭ mơ̆ng kiơ̆ nơ̆r lu sư apo,

Markôs 13:4

“Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng wă kơ nhôn băt tơdra liơ tơdrong noh gô truh.”

Markôs 13:6

Ning-mônh gô đei lơ bơngai truh sư anăn măt Inh khan sư kơdih 'Bok Krist. Kư̆m đei lơ bơngai lui kơ sư pơhlŭ.

Luka 21:8

Na Yêsu khan: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư. Ning-mônh gô đei lơ bơngai truh, na lu sư anăn măt Inh khan sư kơdih 'Bok Krist păng khan wă jê̆ truh năr tôch boih. 'Noh iĕm 'nĕ kiơ̆ kơ lu sư hŏ.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

Êphêsô 5:6

Iĕm 'nĕ kơ lui kơ đe pơhlŭ iĕm kiơ̆ dôm tơdrong kơnê̆ noh mă sư khan tơdrong 'lơ̆ng. Lu bơngai thoi noh ưh kơ chu 'Bok Kei-Dei. 'Bok Kei-Dei hil tơpă kơ lu sư, gô phak lu sư.

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

II Tes 2:3

Bơngai ei sư khan năr tôch wă jê̆ truh boih sơmă iĕm 'nĕ kơ lui kơ sư hŏ. Kơlih kơ ning-mônh gô đei lơ bơngai akŭm wă pơtơm blah 'Bok Kei-Dei păng gô đei minh 'nu bơngai kơnê̆ tơpă tơ ala teh âu. 'Bok Kei-Dei wă phak sư tơpă ning-mônh. Mă tơpă, hơdrol kơ bơngai kơnê̆ ei truh, năr tôch ưh tam mă truh tơpă ôh.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.