Markôs 13:34 - Sơ̆p Hlabơar Nơ̆r 'Bok Kei-Dei

³⁴ Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Markôs 13:34 Iomraidhean Croise

Mathiơ 16:19

Inh gô jao kơ ih chĕp khuă 'măng mơ̆t tơ dêh char 'Bok Kei-Dei pơgơ̆r. Thoi noh na mă dôm tơdrong kiơ ih wă kơ đe pơm tơ teh âu, 'Bok Kei-Dei tơ plĕnh ti kư̆m ăn kơ lu sư pơm. Dôm tơdrong kiơ ih khă kuă ăn đe pơm tơ teh âu, 'Bok Kei-Dei tơ plĕnh ti kư̆m khă ưh kơ ăn mơ̆n.”

Yo 10:3

Na bơngai gak 'măng pơih ăn kơ tơ'ngla sư 'măng hloi. Mă triu kư̆m kơnăl kơ 'bơ̆r tơ'ngla sư mơ̆n. Na tơ'ngla sư krao tôm kơ anăn lu sư, na tơlĕch lu sư kiơ̆ tơ'ngla sư lĕch tơ 'ngoaih.

Rom 13:6

Thoi noh na mă sư iŏk thuê̆ đơ̆ng bơ̆n trŏ tơpă, yua kơ lu sư dang jang tơdrong 'Bok Kei-Dei.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Kôlôsê 3:24

Tơdrong iĕm jang gô đei sa apah, ưh kơ sĭ iĕm jang hoh hoh đĕch ôh. Iĕm jang tơdrong Yŏng bơ̆n Yêsu Krist na Sư gô ăn kơ iĕm dôm tơdrong hiôk 'lơ̆ng mă Sư wă ăn kơ dôm lu kon 'Bok Kei-Dei.

Kôlôsê 4:1

Ơ lu yŏng tơ'ngla lu bơngai đĭch, iĕm athei pơm mă 'lơ̆ng kơ lu đĭch iĕm, yua kơ iĕm kư̆m đei minh 'nu Yŏng tih hloh kơ iĕm, Sư oei tơ plĕnh ti.

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu: