Markôs 13:31 - Sơ̆p Hlabơar Nơ̆r 'Bok Kei-Dei

³¹ Plĕnh teh gô hiong đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Markôs 13:31 Iomraidhean Croise

II Pot 15:12

'Nâu bơih đei 'bôh 'blep thoi nơ̆r Kră Yang khan kơ Jêhu: “Adrĕch ih gô pơgơ̆r lu đe Isơrael dĭng truh kơ jơhnơr mă puăn.” Tơdrong 'nâu đei truh sĭt thoi noh.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Êsai 40:8

'Nhĕt kro, pơkao hơlŭng: Mă-lei nơ̆r Kră Yang 'Bok Kei-Dei lu bơ̆n oei kơjăp ling-lang!”

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Mathiơ 5:18

Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Markôs 13:30

Inh khan kơ iĕm tơpă, jơhnơr noh gô 'bôh tơpă tôm tơdrong Inh roi kơ iĕm noh hei.

Markôs 13:32

“Năr păng jơ ei ưh kơ đei bu băt. Lu linh jang 'lơ̆ng kơpal plĕnh ti ưh kơ băt. Inh Kon 'Bok Kei-Dei ră, kư̆m hơdai ưh kơ băt mơ̆n. Pôm 'Bă Inh đĕch băt kơ năr ei kơnh.

Luka 21:33

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

II Tim 2:13

Bơngai bơ̆n phŏ phŏ ưh kơ pơm kiơ̆ thoi bơ̆n pơkă kơ Yêsu ôh, mă-lei Yêsu pơm 'lơ̆ng ling-lang, Sư ưh kơ lê̆ ôh dôm nơ̆r Sư pơkă hơdrol.”

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.