Markôs 13:28 - Sơ̆p Hlabơar Nơ̆r 'Bok Kei-Dei

²⁸ “Na dang ei iĕm mơ̆ng pơtih gia kơ 'long hơra. Lăp iĕm 'bôh dơng sư hơđoh chăt hla, noh iĕm băt kơ wă jê̆ bơyan 'mi boih.

Markôs 13:28 Iomraidhean Croise

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Markôs 13:27

Na Inh wơh lu linh jang 'lơ̆ng Inh jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk, đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal, akŭm đĭ tơ Inh.

Markôs 13:29

Na dôm tơdrong Inh roi kơ iĕm noh hei kư̆m lei-lăi. Ning-mônh lăp iĕm 'bôh dôm tơdrong Inh roi noh, iĕm băt Inh Kon Bơngai wă jê̆ jur boih. 'Noh dang lĕ kiơ̆ 'măng dur boih.