Markôs 13:12 - Sơ̆p Hlabơar Nơ̆r 'Bok Kei-Dei

¹² Kư̆m gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao bre sư ăn kơ đe pơlôch.

Markôs 13:12 Iomraidhean Croise

Êsêkiên 38:21

Kră Yang khan: Inh gô krao đao hơlă đơ̆ng rim kơ kông groi Inh blah lu sư; đao hơlă lu sư gô blah 'nhŏng oh sư kơdih.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Mathiơ 24:10

Kơplah noh mơ̆n đei lơ lu bơngai lui achăng lê̆ Inh, lu sư hil areh kơ lu bôl mă oei lui kơ Inh, lu sư rôp lu bôl mă oei lui kơ Inh noh, ăn kơ lu bôl sư mă ưh kơ lui tah tơ lăm hnam phak.

Markôs 13:11

Mưh đe rôp iĕm, jao iĕm kơ lu kră sek tơlang, iĕm 'nĕ mah tơchĕng hơdrol kơ tơdrong iĕm wă pơma kơ lu sư noh hŏ, yua kơ đei Yang Bơhngol 'Lơ̆ng tơgŭm iĕm kơplah lăm iĕm wă pơma, ưh kơ sĭ kơ iĕm gơh pơma kơdih ôh.

Markôs 13:13

Đĭ-đăng kơ bơngai gô areh arĕnh kơ iĕm yua kơ iĕm lui kơ Inh. Thoi noh bơngai bu adrin lui kơ Inh truh năr tôch, bơngai 'noh gô klaih.

Luka 21:16

“Lu mĕ 'bă iĕm hăm 'nhŏng oh iĕm păng kơtum kơtŏng iĕm, bôl juăt iĕm, gô jao iĕm ăn kơ đe kră sek tơlang, na lu iĕm mơ'nah sư gô pơlôch.