Markôs 12:7 - Sơ̆p Hlabơar Nơ̆r 'Bok Kei-Dei

⁷ Mă-lei lu bơngai jang mơng mir hơmu noh pơđâu dih băl khan: ‘Bơngai 'noh boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Markôs 12:7 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Bl 37:20

Dang ei thoi âu: Bĕ lu bơ̆n pơlôch sư, na gô klơ̆m lê̆ lăm sơlŭng đak ayơ ayơ na lu bơ̆n gô khan thoi âu: Đei lu sem bri châu sa sư, đơ̆ng noh bơ̆n gô lăng tơdrong apo sư noh gô jing thoi yơ?

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 21:34

Lăp trŏ kơ bơyan plei hơmu đum boih, na sư wơh lu đĭch đam sư năm tơ lu bơngai jang mơng noh wă iŏk plei hơmu mă 'măn kơ tơ'ngla sư.

Markôs 12:12

Na lu 'bok soi tih, lu thây bơtho tơdrong juăt đe Juđê, hăm lu đe kră sek tơlang chă tơdrong wă rôp hloi Yêsu yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla 'bơ̆t ei, na lu sư weh đơ̆ng Yêsu 'noh năm tơ nai.

Markôs 12:6

'Bok tơ'ngla mir hơmu noh sư oei đei pă minh 'nu bơngai, kon pôm sư 'mêm kơdih ră. Tơpo hơtuch sư wơh kon sư năm tơ lu đe ei. Sư chă pơma khan: ‘Lu đe noh gô chu yom kơ kon inh thâu.’

Markôs 12:8

Lu sư rôp hloi kon 'bok tơ'ngla mir ei, pơlôch hŭt akâu sư tơ jih mir.

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.