Markôs 12:5 - Sơ̆p Hlabơar Nơ̆r 'Bok Kei-Dei

⁵ 'Bok tơ'ngla mir hơmu noh wơh dơ̆ng minh 'nu. Lu bơngai jang mơng ei pơlôch hloi. 'Bok tơ'ngla mir noh sư kư̆m wơh lơ dơ̆ng ră, mă-lei mơ'nah lu sư teh pơjĭ, mơ'nah lu sư pơlôch.

Markôs 12:5 Iomraidhean Croise

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Mathiơ 22:6

Lu mơ'nah dơ̆ng rôp lu bơngai jang kơ 'bok pơtao năm krao lu sư ei, blei hiap păng pơlôch hloi.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Markôs 12:4

Na 'bok tơ'ngla mir noh wơh dơ̆ng minh 'nu đĭch sư, mă-lei lu bơngai jang mơng mir hơmu noh pơma kơnê̆ kơ sư, tôn teh kơ̆l sư.

Markôs 12:6

'Bok tơ'ngla mir hơmu noh sư oei đei pă minh 'nu bơngai, kon pôm sư 'mêm kơdih ră. Tơpo hơtuch sư wơh kon sư năm tơ lu đe ei. Sư chă pơma khan: ‘Lu đe noh gô chu yom kơ kon inh thâu.’

Markôs 9:13

Inh khan kơ iĕm tơpă, Êli truh boih păng đe pơm kơnê̆ kơ sư kiơ̆ gô mơ̆ng kơ đe wă, kư̆m thoi đe chih roi lê̆ hơdrol gah tơdrong sư lăm sơ̆p hla bơar 'Bok Kei-Dei sơ̆.”

Luka 6:36

Iĕm athei 'mêm mơnat kơ đe kư̆m thoi lĕ 'Bă bơ̆n 'Bok Kei-Dei 'mêm mơnat kơ đe mơ̆n.