Markôs 12:37 - Sơ̆p Hlabơar Nơ̆r 'Bok Kei-Dei

³⁷ Đawit krao kơ 'Bok Krist Yŏng Kơdră sư, na lơliơ dang ei khan 'Bok Krist jing kon sâu Đawit lĕ?” Lu bơngai tơpôl mơ̆ng kiơ̆ ei lăp đon tơpă tôm tơdrong Sư bơtho.

Markôs 12:37 Iomraidhean Croise

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 21:45

Lu đe Pharisi păng 'bok soi tih kơtơ̆ng dôm tơdrong Yêsu pơma pơjuang noh hei, lu sư băt kơ tơdrong noh trŏ kơ lu sư tơpă, na lu sư wă rôp hloi Yêsu kơplah noh ră, mă-lei lu sư hli kơ lu kon pơlei pơla 'bơ̆t ei, yua kơ lu kon pơlei pơla băt kơ Yêsu bơngai pơtruh nơ̆r 'Bok Kei-Dei tơpă.

Luka 19:48

Mă-lei lu sư ưh kơ gơh rôp thoi yơ, yua kơ lu sư hli kơ kon bơngai 'bĕnh-'bang hưch hanh wă mơ̆ng Sư bơtho tơpă.

Luka 21:38

Rim pơgê hrôih, đĭ-đăng kon pơlei pơla năm mơ̆ng tơdrong Sư bơtho tơ hnam akŭm 'Bok Kei-Dei tơm.

Yo 12:9

Thoi noh na lơ bơngai Juđê kơtơ̆ng ang khan Yêsu oei tơ Pơlei Bethani, na lu sư năm tơ ei. Lu sư năm tơ ei wă kơ 'bôh Yêsu păng wă kơ 'bôh akâu Lasarơ mă Yêsu tơiung arih sư đơ̆ng lôch.

Rom 9:5

Lu yă 'bok lu sư sơ̆ lui kơ 'Bok Kei-Dei hơdrol kơ đĭ-đăng lu bơngai nai. Na 'Bok Krist mă 'Bok Kei-Dei wơh dŏng pơklaih kon bơngai Sư kư̆m bơngai Isơrael mơ̆n tơ̆ng kiơ̆ kơ mĕ Sư tơpŭ. 'Bok Krist boih Yang tih hloh gơh pơgơ̆r tôm tơdrong, trŏ kơ kon bơngai ư-ang kơ Sư ling-lang tơpă. A-men.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”