Markôs 12:35 - Sơ̆p Hlabơar Nơ̆r 'Bok Kei-Dei

³⁵ Kơplah Yêsu oei bơtho lăm hnam akŭm 'Bok Kei-Dei tơm Sư khan: “Liơ lu 'bok thây bơtho tơdrong juăt đe Juđê khan 'Bok Krist mă 'Bok Kei-Dei wơh pơm Pơtao, Sư kon sâu pơtao Đawit đĕch?

Markôs 12:35 Iomraidhean Croise

Mathiơ 26:55

Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Mathiơ 9:27

Yêsu lĕch đơ̆ng noh, kơplah oei rok trong đei 'bar 'nu bơngai măt tol năm kiơ̆ Sư. Na bre sư pơma 'bơ̆r re khan: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Markôs 10:1

Yêsu năm đơ̆ng Pơlei Kapernum ei mơ̆t brih lăm dêh Juđê păng hơloh năm hloi tơ dêh pah to krong Jôrđăn. Tơ ei đei lơ bơngai năm akŭm tơ Sư dơ̆ng, na Sư bơtho đe kư̆m thoi krô hmă.

Markôs 11:27

Lăp lu sư truh tơ Pơlei Jêrusalem, Yêsu chă nơnăm lăm hnam akŭm tơm, na lu 'bok soi tih, lu thây bơtho tơdrong juăt đe Juđê, hăm lu kră sek tơlang năm tơ Sư.

Markôs 14:49

Bĭ rim năr Inh oei tơ tŏk-bŏk lu iĕm, bơtho iĕm tơ lăm hnam akŭm tơm, iĕm kuă kơ kiơ kơ rôp Inh tơ noh lĕ? Mă-lei tơdrong noh 'Bok Kei-Dei ăn wă kơ 'blep kơ tơdrong đe chih roi lê̆ hơdrol lăm sơ̆p hla bơar Sư sơ̆.”

Luka 19:47

Yêsu bơtho rim năr tơ lăm hnam akŭm 'Bok Kei-Dei tơm. Na lu 'bok soi tih, lu thây bơtho tơdrong juăt păng lu đe kră pơlei wă rôp pơlôch Sư ră.

Luka 20:1

Minh năr ei kơplah Yêsu oei bơtho đe tơdrong 'nao 'lơ̆ng tơ lăm hnam akŭm 'Bok Kei-Dei tơm, na lu 'bok soi tih, lu thây bơtho tơdrong juăt, hăm lu đe kră sek tơlang năm jet Yêsu khan: “Apinh Ih roi kơ nhôn bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Luka 21:37

Rim năr lăm hơdôm năr noh Yêsu bơtho đe tơ hnam akŭm 'Bok Kei-Dei tơm đơ̆ng pơgê truh kơsơ̆. Tơ kơsơ̆ Sư brŏk 'bĭch tơ pơlei đe tơ kơpal kông Ôliwơ.

Yo 18:20

Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.

Yo 7:42

yua kơ đei lăm sơ̆p hla bơar 'Bok Kei-Dei đe chih khan 'Bok Krist lĕch đơ̆ng krung kơtum 'bok Đawit, đơ̆ng pơlei 'bok Đawit mơ̆n. Pơlei ei anăn Pơlei Betlehem lăm dêh char Juđê.”