Markôs 12:34 - Sơ̆p Hlabơar Nơ̆r 'Bok Kei-Dei

³⁴ Yêsu 'bôh 'bok thây noh tơl hơgei na Yêsu khan kơ sư: “Ih wă jê̆ pơyơ̆r akâu ih kơ 'Bok Kei-Dei boih.” Klaih kơ noh ưh kơ đei bu pơ̆n jet Yêsu dơ̆ng.

Markôs 12:34 Iomraidhean Croise

Mathiơ 12:15

Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Mathiơ 12:20

Sư bơngai dim khôn dêh. Mă đe lui rơdu dang hla 'long wă jê̆ hơlŭng, Sư ưh kơ phĕ tŭk ôh; Mă đe lui rơdu dang ŭnh kơđeng wă jê̆ păt, Sư kư̆m ưh kơ pĭt tŭk ôh; Sư kư̆ kơ jang truh tơ kon bơngai pơm 'lơ̆ng tơpăt dih băl.

Mathiơ 22:46

Yêsu khan thoi noh ưh kơ đei bu gơh tơl Sư păng đơ̆ng năr noh ưh kơ đei bu pơ̆n jet Sư dơ̆ng.

Luka 20:40

Đơ̆ng rŏng kơ noh đe ưh pă pơ̆n jet Yêsu dơ̆ng boih.

Rom 7:9

Sơ̆ kơplah inh tam mă băt kơ tơdrong yoch, inh oei hiôk; lăp đơ̆ng năr inh băt kơ tơdrong pơm yoch, jơhngơ̆m inh ưh pă hiôk boih, inh băt kơ inh trŏ kơ 'Bok Kei-Dei wă phak pơlôch.

Galati 2:19

Sơ̆ inh kư̆m kiơ̆ mơ̆n tơdrong juăt Môis, mă-lei inh tơchĕng akâu inh kơdih đĕch kiơ̆, mă tơpă lăm to inh ưh kơ 'lơ̆ng hăm 'Bok Kei-Dei ôh. Thoi noh na inh ưh pă gơnang kơ akâu inh kơdih wă kiơ̆ tơdrong juăt Môis, akâu inh dang lĕ kơ lôch, wă kơ inh iung arih gơnang kơ 'Bok Kei-Dei đĕch.

Kôlôsê 4:6

Bơ̆n athei pơma pơhiôk lu sư ling-lang, wă kơ bơ̆n gơh drơ̆ng lu sư mă trŏ.