Markôs 12:31 - Sơ̆p Hlabơar Nơ̆r 'Bok Kei-Dei

³¹ Na tơdrong juăt mă 'bar thoi âu: ‘Bơ̆n athei 'mêm kơ bôl buăl thoi bơ̆n 'mêm akâu kơdih.’ Ưh kơ đei tơdrong juăt ayơ mă kăl hloh kơ 'bar tơdrong juăt âu.”

Markôs 12:31 Iomraidhean Croise

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Lêwi 19:18

'Nĕ kơ pơm 'mong răk rong mong găr hăm rông 'bôt kơtum kơtŏng 'nhŏng oh ih, athei 'mêm kơ lu sư thoi ih 'mêm akâu ih kơdih, Inh boih Kră Yang.

Mathiơ 22:39

Tơdrong juăt mă 'bar dơ̆ng kư̆m thoi noh mơ̆n: ‘Bơ̆n athei 'mêm kơ bôl buăl thoi bơ̆n 'mêm akâu kơdih.’

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Markôs 12:32

'Bok thây ei khan kơ Yêsu: “Ơ 'Bok Thây, Ih roi kơ nhôn tơdrong juăt âu trŏ boih. Ih roi trŏ tơpă Ih khan 'Bok Kei-Dei đĕch Kră Yang tih hloh ưh kơ đei yang nai tih hloh kơ Sư.

Luka 10:27

'Bok thây ei khan: “Lăm sơ̆p hla bơar tơdrong juăt khan: ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng. Păng bơ̆n athei 'mêm kơ bôl buăl thoi bơ̆n 'mêm akâu bơ̆n kơdih.’ ”

Galati 5:14

Yua kơ 'Bok Kei-Dei pơkă boih kơ bơ̆n thoi âu: “Bơ̆n athei 'mêm kơ bôl buăl thoi bơ̆n 'mêm akâu kơdih.” Bơngai bu răk tơdrong noh sư dang kiơ̆ tôm dôm tơdrong juăt 'Bok Kei-Dei pơkă.

I Yo 4:21

Na Yêsu Krist bơtho pơkă kơ bơ̆n thoi âu: Bơngai bu 'mêm kơ 'Bok Kei-Dei, bơngai 'noh athei 'mêm mơnat kơ 'nhŏng oh sư mơ̆n.