Markôs 12:1 - Sơ̆p Hlabơar Nơ̆r 'Bok Kei-Dei

¹ 'Blă kơ noh Yêsu bơtho pơtih gia kơ lu sư thoi âu: “Đei minh 'nu bơngai pơm mir wă pơtăm 'long hơmu. Sư war dur tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Markôs 12:1 Iomraidhean Croise

Êsai 7:23

Lăm năr noh, tơ anih đêl đei rơbâu tơnơm 'long hơmu. Kăp sư dang tơ rơbâu sêikơl jên gô chăt 'long jơla păng 'nhĕt jơla ngăl

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Êsêkiên 20:49

Na inh khan, “Ơ Kră Yang, lu sư khan gah inh. ‘Hăm trŏ 'bok noh pơma pơtih đĕch?’ ”

Mathiơ 13:3

Yêsu bơtho lơ tơdrong hăm nơ̆r pơtih gia kơ lu sư thoi âu: “Đei minh 'nu bơngai năm rei adrĕch 'ba.

Mathiơ 21:28

Yêsu khan dơ̆ng kơ lu sư: “Minh 'nu bơngai đei 'bar 'nu kon. Sư wơh kon kơdră sư năm jang: ‘Ơ dăm, năr âu e năm jang tơ mir hơmu bơ̆n ho.’

Mathiơ 21:33

Yêsu khan dơ̆ng kơ lu sư: “Apinh iĕm mơ̆ng tơdrong pơtih gia âu dơ̆ng: Đei minh 'nu bơngai pơm mir wă pơtăm plei hơmu. Sư war mir tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Mathiơ 21:34

Lăp trŏ kơ bơyan plei hơmu đum boih, na sư wơh lu đĭch đam sư năm tơ lu bơngai jang mơng noh wă iŏk plei hơmu mă 'măn kơ tơ'ngla sư.

Mathiơ 25:14

“Lu bơngai mă khan 'Bok Kei-Dei pơgơ̆r sư năr ei kơnh, lu sư thoi bơngai jang kơ yŏng sư, yŏng sư wă năm tơ dêh tơmoi ataih, na sư pơjao ăn kơ lu bơngai jang kơ sư wei-lăng mŭk tơmam sư.

Markôs 11:33

Thoi noh na lu sư khan: “Nhôn ưh kơ băt ôh.” Na Yêsu khan kơ lu sư: “Lei Inh kư̆m ưh kơ roi ăn kơ iĕm bu ăn kơ Inh pơpuh đe păng bơtho đe tơ lăm hnam akŭm âu mơ̆n.”

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Markôs 3:23

Na Yêsu krao lu bơngai mă pơma kơ Sư thoi noh, na Sư pơma pơtih gia kơ lu sư: “Lơliơ yŏng pơgơ̆r yang kơnê̆ mă gơh pơpuh tơduă yang kơnê̆?

Markôs 4:2

Sư bơtho lơ tơdrong hăm nơ̆r pơtih gia. Sư bơtho khan thoi âu:

Luka 15:13

Đơ̆ng rŏng kơ năr noh kon hơdruch sư iŏk dôm mŭk tơmam mă đêl 'bă sư ăn kơ sư, na jăk tơ dêh nai. Tơ ei sư pơm kư̆ kă, sư pơhuach đĭ mŭk tơmam sư.

Luka 19:12

Thoi noh na Sư khan kơ lu bơngai ei: “Đei minh 'nu bơngai pơm tih wă năm tơ dêh ataih wă tơ'bơ̆p 'bok pơtao tơm, yua kơ 'bok pơtao tơm wă pôk sư pơm phŏ sư wă pơgơ̆r dêh char sư kơdih, klaih kơ noh sư gô wih dơ̆ng.

Luka 22:9

Bre sư jet Yêsu: “Ih wă kơ nhi hơmet kơ bơ̆n tơmam sa tơ yơ?”

Luka 8:10

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Inh bơtho lu bơngai nai tơdrong noh Inh yua nơ̆r pơjuang ngăl, wă kơ sư lăng khŏm khŏm ră mă-lei ưh kơ 'bôh tơdrong kiơ, wă kơ sư mơ̆ng khŏm khŏm ră mă-lei ưh kơ hlôh.”

Jang 7:38

Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.