Markôs 11:31 - Sơ̆p Hlabơar Nơ̆r 'Bok Kei-Dei

³¹ Lu sư pơđâu băl khan: “Bơ̆n wă khan kơ Sư thoi yơ? Dah bơ̆n khan đơ̆ng 'Bok Kei-Dei lei Sư khan: ‘Iĕm kuă kơ kiơ lui kơ Yôhan bơtho?’

Markôs 11:31 Iomraidhean Croise

Mathiơ 16:7

Lu bơngai pơhrăm păng Sư ưh kơ hlôh tơdrong Sư pơma na lu sư tơkhan dih băl: “Sư pơma thoi noh băt Sư jô̆ kơ bơ̆n hiơt kơ chĕp 'bĕng mi kơlĕ.”

Markôs 11:30

Bĭ tơdrong Yôhan pơm kơ đe 'batem noh sơ̆ đơ̆ng bu ăn, đơ̆ng 'Bok Kei-Dei dah đơ̆ng kon bơngai? Iĕm tơl lăng Inh wăi.”

Markôs 11:32

Na dang ei bơ̆n hăm wă khan đơ̆ng kon bơngai?” Mă-lei lu sư kư̆m ưh kơ wă khan đơ̆ng kon bơngai mơ̆n yua kơ lu sư hli kơ kon pơlei pơla, yua kơ đĭ-đăng lu kon pơlei pơla lu sư khan băt kơ Yôhan bơngai pơtruh nơ̆r 'Bok Kei-Dei.

Yo 1:15

Hơtai ei sơ̆, Yôhan bơtho tơdrong Yêsu Krist 'bơ̆t anăp đe tơpôl lơ. Sư pơma re bơtho đe thoi âu: “Gah 'Bok âu boih inh bơtho iĕm sơ̆, 'Bok mă inh khan gô truh đơ̆ng rŏng inh, Sư tih hloh kơ inh tơpă. Inh tơpŭ sơ̆, Sư đei hơdrol loi kơ inh boih.”

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 1:34

Inh 'bôh tơpă Yang Bơhngol 'Lơ̆ng jur oei kơpal minh 'nu bơngai, na inh khan kơ iĕm tơpăt, bơngai 'noh boih Kon 'Bok Kei-Dei tơpă.”

Yo 1:36

Na lu sư 'bôh Yêsu yak brih lu sư. Na Yôhan khan: “Sư 'noh boih Kon Triu 'Bok Kei-Dei”