Markôs 11:27 - Sơ̆p Hlabơar Nơ̆r 'Bok Kei-Dei

²⁷ Lăp lu sư truh tơ Pơlei Jêrusalem, Yêsu chă nơnăm lăm hnam akŭm tơm, na lu 'bok soi tih, lu thây bơtho tơdrong juăt đe Juđê, hăm lu kră sek tơlang năm tơ Sư.

Markôs 11:27 Iomraidhean Croise

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Markôs 11:28

Lu sư jet Yêsu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Markôs 14:1

'Bar năr hơdrol kơ Năr Giĕng Năm Brih păng giĕng sa 'Bĕng Mi Ưh Kơ Đei 'Buih Pông na lu 'bok soi tih hăm lu thây bơtho tơdrong juăt đe Juđê, lu sư pơđâu chă tơdrong gơh rôp tơtông Yêsu na pơlôch.

Yo 10:23

Hơtai ei bơyan puih tơngiĕt. Na Yêsu nơnăm lăm pra Sôlômôn, lăm hnam akŭm 'Bok Kei-Dei tơm.

Yo 18:20

Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.