Markôs 11:18 - Sơ̆p Hlabơar Nơ̆r 'Bok Kei-Dei

¹⁸ Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Markôs 11:18 Iomraidhean Croise

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 22:18

Pơtao đe Isơrael khan kơ Jêhôsaphat: “Inh đei roi kơ ih bơih sư 'nâu ưh kơ đei khan lê̆ adrol 'lơ̆ng kiơ gah inh, sư ling-lang khan lê̆ adrol kơnê̆ ngăl”

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Mathiơ 21:15

Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Mathiơ 7:28

Hlôi Yêsu bơtho đang boih, na lu bơngai tơpôl ei mah chrêu kơ đon tơdrong Sư bơtho noh,

Markôs 1:22

Đe mơ̆ng chrêu kơ đon, yua kơ dôm nơ̆r Sư bơtho gơh hơgei tơpă, ưh kơ thoi lu thây bơtho tơdrong juăt lu đe Juđê chă bơtho đe.

Markôs 11:32

Na dang ei bơ̆n hăm wă khan đơ̆ng kon bơngai?” Mă-lei lu sư kư̆m ưh kơ wă khan đơ̆ng kon bơngai mơ̆n yua kơ lu sư hli kơ kon pơlei pơla, yua kơ đĭ-đăng lu kon pơlei pơla lu sư khan băt kơ Yôhan bơngai pơtruh nơ̆r 'Bok Kei-Dei.

Markôs 12:12

Na lu 'bok soi tih, lu thây bơtho tơdrong juăt đe Juđê, hăm lu đe kră sek tơlang chă tơdrong wă rôp hloi Yêsu yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla 'bơ̆t ei, na lu sư weh đơ̆ng Yêsu 'noh năm tơ nai.

Markôs 3:6

Lu đe ei khŭl Pharisi, lu sư lĕch hloi đơ̆ng hnam akŭm ei năm pơđâu tơ lu khŭl đe pơtao Hêrôt chă tơdrong wă kơ gơh rôp pơlôch Yêsu.

Markôs 6:20

kơlih kơ pơtao Hêrôt hli kơ Yôhan. Hêrôt băt kơ Yôhan bơngai tơpăt păng bơngai đon 'lơ̆ng ling-lang. Thoi noh na sư ưh kơ ăn pơlôch, kơplah sư mơ̆ng Yôhan bơtho jơhngơ̆m sư wơ̆l wang ră mă-lei sư 'maih mơ̆ng mơ̆n.

Luka 19:47

Yêsu bơtho rim năr tơ lăm hnam akŭm 'Bok Kei-Dei tơm. Na lu 'bok soi tih, lu thây bơtho tơdrong juăt păng lu đe kră pơlei wă rôp pơlôch Sư ră.

Luka 2:47

Na đĭ-đăng lu bơngai oei 'bơ̆t ei mơ̆ng Yêsu sơleng kơ đon yua kơ Yêsu tơl lu sư hơgei tơpă.

Luka 20:19

Lu thây bơtho tơdrong juăt đe Juđê păng lu 'bok soi tih wă rôp hloi Yêsu kơplah noh ră yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla mă oei mơ̆ng bơtho 'bơ̆t ei, na lu sư jing ưh kơ yĕng kơ rôp Yêsu ôh.

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Yo 7:1

Đơ̆ng rŏng kơ noh Yêsu oei năm chă bơtho tơ dêh Galilê. Sư ưh pă năm bơtho tơ dêh Juđê boih kơlih kơ lu bơngai Juđê wă pơlôch Sư.

Yo 7:19

Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Yo 7:46

Lu linh sư khan: “Đơ̆ng sơ̆ tam lah đei bơngai bơtho hơgei dang Sư.”

Jang 24:25

Pôl bơtho tơdrong bơ̆n athei pơm 'lơ̆ng tơpăt, bơ̆n athei kơchăng kơdih hli kơ pơm tơdrong kơnê̆, hăm tơdrong 'Bok Kei-Dei gô sek tơlang kơ bơ̆n ning-mônh. 'Bok Phêlik kơtơ̆ng Pôl bơtho thoi noh, sư hli, na sư khan kơ Pôl: “Dang ei asong ih brŏk tơ anih ih; gô layơ dơ̆ng inh đei jơ rơwơn na inh krao ih wă mơ̆ng ih bơtho dơ̆ng.”