Markôs 11:17 - Sơ̆p Hlabơar Nơ̆r 'Bok Kei-Dei

¹⁷ Na Sư bơtho khan kơ lu bơngai ei thoi âu: “Đe chih roi nơ̆r 'Bok Kei-Dei lăm sơ̆p hla bơar Sư thoi âu: ‘Hnam akŭm kơkuh kơ Inh wă lê̆ kơ đĭ-đăng bơngai jơ̆p kơ teh đak akŭm krao khan lăm noh.’ Mă-lei iĕm mơdro lăm noh, pơgŏ athei đe răt kăp jên, iĕm pơm kơ hnam akŭm âu thoi lĕ kơ anih hnam đe tơtông klĕ.”

Markôs 11:17 Iomraidhean Croise

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Êsai 60:7

Khŭl sem dơrong đơ̆ng dêh char kêdar gô akŭm tơ ih lu triu tơno dêh char Nêbaôt gô yua pơm tơmam soi pơyơ̆r, Inh gô iŏk tơdrong đe pơyơ̆r lu sư tơ kơpal chơnang soi Inh. Na Inh gô pơm kơ hnam ư-ang Inh rai ư-ang hloh.

Je 7:11

Lei lu iĕm lăng hnam âu, anih Anăn Inh, thoi anih tơtông klĕ hă? Âu Inh, Inh 'bôh boih dôm tơdrong noh, Kră Yang khan thoi noh.

Hôsia 12:7

Lu bơngai Isơrael thoi bơngai mơdro chĕp 'long kŏng hơlĕnh lăm ti sư, sư 'maih chă sa pơgâm đe.

Markôs 11:16

Păng Sư kư̆m khă đe ưh kơ ăn chĕp mă tơmam kiơ kiơ brih nhah rok trong cham hnam akŭm ei.

Luka 19:46

Yêsu khan kơ lu sư thoi âu: “Đe chih roi nơ̆r 'Bok Kei-Dei lăm sơ̆p hla bơar sư thoi âu: ‘Hnam akŭm kơkuh kơ Inh, wă lê̆ kơ đe krao khan kơ Inh lăm noh.’ Mă-lei lu iĕm mơdro lăm noh, pơgŏ athei đe răt kăp jên, iĕm pơm kơ hnam akŭm âu thoi lĕ kơ anih hnam đe tơtông klĕ.”

Yo 2:14

Sư 'bôh đe mơdro lăm hnam akŭm 'Bok Kei-Dei tơm, mơ'nah tĕch rơmo, mơ'nah tĕch triu. Đei mơ'nah tĕch sem kơtơp, kư̆m đei mơ'nah oei tơplih băl jên ră.

Yo 2:16

Đơ̆ng noh na Sư khan kơ lu bơngai mơdro sem kơtơp: “Anhăk ba đĭ sem kơtơp iĕm âu tơ nai. Iĕm 'nĕ pă pơm kơ hnam 'Bă Inh thoi lĕ kơ hnam mơdro mơchan.”