Markôs 10:51 - Sơ̆p Hlabơar Nơ̆r 'Bok Kei-Dei

⁵¹ Yêsu khan kơ sư: “Ih wă kơ Inh pơm kiơ?” Bơngai măt tol ei khan: “Ơ 'Bok Thây, inh wă kơ Ih pơklaih măt inh gơh 'bôh hơdah.”

Markôs 10:51 Iomraidhean Croise

II Ho 1:7

Lăm măng noh, Kră Yang 'Bok Kei-Dei tơ'bôh kơ Sôlômôn păng khan: “Ih wă kơ Inh ăn kơ ih kiơ? Apinh bĕ.”

Mathiơ 23:7

Lu sư wă kơ đe kơkuh kơ sư tơ anih đe akŭm tơpôl păng wă kơ đe krao lu sư 'bok thây.

Mathiơ 23:8

“Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Mathiơ 6:8

Iĕm 'nĕ krao khan thoi noh hŏ, yua kơ 'Bă bơ̆n băt hơdrol kơ tơdrong iĕm wă krao khan apinh Sư noh.

Mathiơ 7:7

“Krao khan apinh 'Bok Kei-Dei khŏm khŏm na Sư gô asong kơ iĕm. Iĕm nŏng kơ chă khŏm khŏm, Sư gô tơ'bôh kơ iĕm. Iĕm dơdŭ 'măng Sư khŏm khŏm, na Sư gô pơih ăn.

Markôs 10:36

Na Yêsu khan kơ bre sư: “Biĕm wă kơ Inh ăn tơdrong kiơ?”

Markôs 10:50

Bơngai tol ei plôh lê̆ ao tơnŏ sư gruih iung năm tơ Yêsu.

Yo 20:16

Klaih kơ noh Yêsu khan kơ sư dơ̆ng: “Ơ Mari.” Mari hue 'bôh hloi păng khan hăm nơ̆r Juđê: “Rabôni.” Rabôni wă khan 'bok thây.

Jang 23:19

'Bok tih linh rôp ti mon Pôl chông ba sư tơ nai, na jet sư: “E wă roi kơ inh tơdrong kiơ?”

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.