Markôs 10:49 - Sơ̆p Hlabơar Nơ̆r 'Bok Kei-Dei

⁴⁹ Na Yêsu dơ̆ng păng khan: “Krao sư tơ âu.” Đe năm krao bơngai măt tol ei khan: “Ih 'nĕ pă sơ'ngon. Iung bĕ, Yêsu krao ih tơ to.”

Markôs 10:49 Iomraidhean Croise

Horiso 145:8

Kră Yang băt mơnat păng đei jơhngơ̆m 'mêm. Hiơ̆ kơ blĕk păng 'bĕnh kơ tơdrong 'mêm mơnat.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Mathiơ 9:2

Tơ noh đe tung ba minh 'nu bơngai hơwen hơwo kơpal anhŭn anhăk tơ Yêsu. Yêsu 'bôh tơdrong lui đe noh 'lơ̆ng tơpă na Sư khan kơ bơngai hơwen hơwo ei thoi âu: “Ơ dăm, hiôk bĕ ih, yua kơ tơdrong yoch ih Inh pơklaih đĭ boih.”

Markôs 10:50

Bơngai tol ei plôh lê̆ ao tơnŏ sư gruih iung năm tơ Yêsu.

Luka 18:40

Na Yêsu dơ̆ng athei đe chông ba bơngai măt tol năm tơ Sư. Lăp bơngai măt tol truh tơ Sư na Yêsu jet sư khan:

Yo 11:28

Đang kơ pơma thoi noh Mathê năm krao oh sư Mari. Sư khan kơ oh sư kơdrô̆ bre sư thoi âu: “'Bok Thây truh tơ âu boih păng Sư wă kơ e.”

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.