Markôs 10:34 - Sơ̆p Hlabơar Nơ̆r 'Bok Kei-Dei

³⁴ Lu dêh đe ei gô hiĕk achơ̆ kơ Inh, kơsoh pơ'brơh kơ Inh đak hai păng teh tach pơjĭ Inh, klaih kơ noh pơlôch hloi. Mă-lei kơtĕch pêng năr đơ̆ng rŏng Inh gô iung arih dơ̆ng.”

Markôs 10:34 Iomraidhean Croise

Jop 30:10

Lu sư lăng inh krưp 'brơ̆, weh ataih kơ inh, Ưh pă hĕo gơsoh đak hai kơ muh măt inh.

Horiso 16:10

Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Horiso 22:13

Lu sư ha 'bơ̆r wă pơm kơ inh thoi dăm-brang châu hek sa păng grĕnh.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Hôsia 6:2

Đơ̆ng rŏng kơ 'bar năr Sư gô pơrih bơ̆n; truh năr mă pêng Sư gô tơiung bơ̆n, na bơ̆n gô arih 'bơ̆t anăp Sư.

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Markôs 14:63

'Bok soi tơm kơtơ̆ng Yêsu pơma thoi noh boih, na sư hek hloi ao sư kơdih yua kơ sư ơh tơpă. Na sư khan: “Bơ̆n mah kăl kơ kiơ chă bơngai nai wă jâu Sư dơ̆ng?

Markôs 14:65

Đei lu mơ'nah chă kơsoh pơ'brơh kơ Sư đak hai, đơ̆p muh măt Sư păng che, tŭr akâu Yêsu păng khan: “Roi lăng kơ nhôn wăi, bu tŭr Ih?” Lu linh gak kư̆m tap tơ'bŏk Sư mơ̆n.

Markôs 9:31

kơlih kơ Sư bơtho lu bơngai pơhrăm păng Sư khan: “Đe gô rôp pơjao Inh Kon Bơngai tơ ti kon bơngai tơ ala teh âu. Lu đe ei boih pơlôch Inh. Lăp đe pơlôch Inh boih, kơtĕch pêng năr đơ̆ng rŏng Inh iung arih dơ̆ng.”

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 2:10

“Mă rim đe et sa tih, ling-lang đe ăn kơ tơmoi sik 'băt ngăl hơdrol na sik sap đơ̆ng rŏng. Na âu ăn kơ đe et sik 'băt đơ̆ng rŏng.”

I Kor 15:4

Đe 'bŭ Sư; kơtĕch pêng năr Sư iung arih dơ̆ng 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei tơpă.