Markôs 10:32 - Sơ̆p Hlabơar Nơ̆r 'Bok Kei-Dei

³² Lu sư oei yak rok trong năm tơ Pơlei Jêrusalem. Yêsu yak hơdrol kơ đe. Lu bơngai pơhrăm păng Sư mah prưn kơ jơhngơ̆m păng lu bơngai nai kư̆m hli mơ̆n. Yêsu anhăk lu mơjĭt-'bar 'nu bơngai pơhrăm păng Sư weh ataih 'biơ̆ kơ đe thoi ki dơ̆ng. Na Sư roi tôm tơdrong pơmat Sư gô tơ'bơ̆p.

Markôs 10:32 Iomraidhean Croise

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Markôs 1:27

Thoi noh na đĭ-đăng bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Sư bơtho tơdrong kiơ âu kih? Sư bơtho tơdrong 'nao dah kiơ, na Sư gơh pơpuh yang kơnê̆, na yang kơnê̆ chu Sư?”

Markôs 4:34

Sư bơtho đe, Sư bơtho pơtih gia ngăl, mă-lei dah Sư oei păng lu bơngai pơhrăm păng Sư, Sư bơtho tơblang tôm tơdrong.

Luka 10:23

Đơ̆ng noh na Yêsu hue tơ lu bơngai pơhrăm păng Sư na Yêsu khan kơdrô̆ lu sư: “Dôm lu bơngai 'bôh tôm tơdrong iĕm 'bôh Inh pơm ahrei, lu sư hiôk tơpă.

Luka 19:28

Yêsu bơtho tơdrong noh đang boih na Sư năm tơ Pơlei Jêrusalem, Sư yak hơdrol kơ lu đe tơpôl noh.

Luka 9:51

Lăp wă jê̆ năr Yêsu wă tŏk tơ plĕnh Sư pơkă khan Sư gô năm tơ Pơlei Jêrusalem hơdrol 'mơ̆i.

Yo 11:16

Na Thôm mă đe krao sư Kon Kơmar, sư khan kơ buăl pơhrăm tơduă sư khan: “Bĕ bơ̆n năm kiơ̆ Sư wă kơ bơ̆n lôch hơdai Sư.”

Yo 11:8

Lu bơngai pơhrăm păng Sư khan: “Lơliơ, lu bơngai Juđê 'nao chă wă klơ̆m Ih păng tơmo, mă dang ei Ih khan wă wih dơ̆ng tơ ei?”