Markôs 10:24 - Sơ̆p Hlabơar Nơ̆r 'Bok Kei-Dei

²⁴ Lu bơngai pơhrăm păng Sư sơleng kơ đon ưh kơ hlôh tơdrong Sư pơma âu. Mă-lei Yêsu khan dơ̆ng kơ lu sư: “Ơ lu kon Inh, anat dêh mơ̆t tơ dêh char 'Bok Kei-Dei.

Markôs 10:24 Iomraidhean Croise

Horiso 17:14

Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Horiso 52:7

“To, bơngai mă ưh kơ gơnang kơ Kră Yang 'Bok Kei-Dei wei sư pran kơjăp. Mă-lei gơnang kơ tơdrong sư mơdrŏng.c Wă pơm kơ sư kơjăp lăm tơdrong sư pơm kơnê̆!”

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Tơdrông Pơđơk 11:28

Bơngai bu gơnang kơ mŭk tơmam mơdrŏng gô huŏng răm; Mă-lei đei bu tơpăt băt rai 'lơ̆ng thoi tơmơ̆ng hla hơdrih.

Tơdrông Pơđơk 18:11

Mŭk tơmam bơngai mơdrŏng, jing pơlei tih kơjăp kơdih akâu sư. Sư khan thoi dur kơjung kơjăp pĕng tăp kơ sư.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Habakuk 2:9

Răm-'băm tơpă kơ lu bơngai bu jang sa ưh kơ tơpăt chă lơi kơ hnam dơnŏ kơdih akâu, wă pơm tơpu tơ kơpal kơjung, wă kơ klaih đơ̆ng ti lu bơngai pơm kơnê̆.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Mathiơ 19:25

Lu bơngai pơhrăm păng Sư kơtơ̆ng thoi noh lu sư sơleng kơ đon. Na lu sư jet Yêsu khan: “Lei bu gơh mơ̆t tơ dêh char 'Bok Kei-Dei lĕ?”

Markôs 1:27

Thoi noh na đĭ-đăng bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Sư bơtho tơdrong kiơ âu kih? Sư bơtho tơdrong 'nao dah kiơ, na Sư gơh pơpuh yang kơnê̆, na yang kơnê̆ chu Sư?”

Markôs 10:23

Yêsu hue lăng lu bơngai pơhrăm păng Sư na khan: “Lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.”

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Yo 13:33

“Ơ tơpôl lu dăm, Inh oei hơdai hăm iĕm ưh pă đunh boih. Iĕm gô chă Inh; kư̆m thoi Inh khan kơ lu bơngai Juđê ki, lu iĕm ưh kơ gơh truh tơ anih Inh ôh.

Yo 21:5

Yêsu khan kơ lu sư: “Ơ tơpôl lu dăm, iĕm traih jal hăm đei rôp kiơ?” Lu sư khan: “Nhôn hoh-hoy kơ rôp minh găr.”

Yo 6:60

Lăm lu bơngai mă kiơ̆ Sư đơ̆ng sơ̆ đei lơ 'nu kơtơ̆ng tơdrong Sư bơtho noh na khan: “Tơdrong Sư bơtho noh anat tơpă. Bu gơh pơm thoi noh?”

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.

I Yo 5:21

Ơ lu kon hơ'lơ̆p, iĕm athei weh ataih đơ̆ng dôm tơdrong yang kơnê̆ hŏ.

Tơdrông Tơ'bôh 3:17

Păng iĕm pơang kơ đe khan iĕm mơdrŏng kơ nơ̆r 'Bok Kei-Dei boih, huay pă kăl kơ tơdrong kiơ dơ̆ng. Iĕm ưh kơ băt kơdih, iĕm bơngai pơmat-tat, bơngai răm-'băm, bơngai dơnuh hin, bơngai măt tol, ưh kơ mah hơbĕn ao hrŭk.