Markôs 10:22 - Sơ̆p Hlabơar Nơ̆r 'Bok Kei-Dei

²² Yêsu pơma thoi noh, na 'bok mơdrŏng ei sơ'nhoi. Sư sơ'ngon dêh kơlih kơ sư đei mŭk tơmam lơ tơpă, na sư brŏk hloi.

Markôs 10:22 Iomraidhean Croise

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Mathiơ 19:22

Lăp bơngai tơdăm ei kơtơ̆ng thoi noh sư sơ'ngon dêh yua kơ sư mơdrŏng tơpă. Đơ̆ng noh na sư brŏk hloi.

Mathiơ 27:3

Lăp Juđa bơngai mă plơ̆ plĕch Yêsu, sư băt kơ đe wă pơlôch Yêsu tơpă, na sư mah hmach kơ plơ̆ plĕch Yêsu, na sư năm tơwih ră kơ lu 'bok soi, lu đe kră, pêng-jĭt hlak jên đơ̆ng đe apah noh.

Markôs 10:21

Yêsu lăng 'bok mơdrŏng noh, Sư 'mêm tơpă na Sư khan thoi âu: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Markôs 10:23

Yêsu hue lăng lu bơngai pơhrăm păng Sư na khan: “Lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.”

Markôs 6:20

kơlih kơ pơtao Hêrôt hli kơ Yôhan. Hêrôt băt kơ Yôhan bơngai tơpăt păng bơngai đon 'lơ̆ng ling-lang. Thoi noh na sư ưh kơ ăn pơlôch, kơplah sư mơ̆ng Yôhan bơtho jơhngơ̆m sư wơ̆l wang ră mă-lei sư 'maih mơ̆ng mơ̆n.

Markôs 6:26

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, sư ưh pă gơh lê̆ yua kơ sư pơkă kơ adruh ei boih.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Luka 18:23

'Bok noh kơtơ̆ng Yêsu pơma thoi noh na sư sơ'ngon dêh, yua kơ sư mơdrŏng tơpă.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.