Markôs 10:20 - Sơ̆p Hlabơar Nơ̆r 'Bok Kei-Dei

²⁰ Na 'bok mơdrŏng ei khan: “Ơ 'Bok Thây, dôm tơdrong 'noh inh huay ră mă đơ̆ng inh oei iĕ sơ̆ khơ̆ dang ei.”

Markôs 10:20 Iomraidhean Croise

Êsai 58:2

Rim năr lu sư chơchă Inh; păng chơt hiôk băt kơ trong Inh. Thoi kon pơlei pơm tơdrong 'lơ̆ng tơpăt, păng ưh kơ đei layơ hiơt kơ khôi juăt Kră Yang 'Bok Kei-Dei lu sư kơdih, lu sư krao apinh Inh sek tơlang ăn tơpăt jơhngơ̆m lu sư hiôk năm jê̆ Kră Yang 'Bok Kei-Dei.

Êsêkiên 5:14

Inh gô pơm kơ ih pơchah pơchek păng đe che bơle lăm teh đak jum dăr păng 'bơ̆t anăp lu bơngai chă yak brih găn.

Malachi 3:8

Kon bơngai gơh tơtông iŏk Kră Yang 'Bok Kei-Dei hă? Na iĕm tơtông Inh. Lu iĕm khan: ‘Tơ yơ khan lu nhôn tơtông Ih?’ Lu iĕm đei tơtông boih minh lăm mơjĭt đơ̆ng lăm lu tơmam iĕm pơyơ̆r.

Mathiơ 19:20

Na bơngai tơdăm ei khan: “Dôm tơdrong 'noh inh pơm kiơ̆ boih. Hăm đei tơdrong nai dơ̆ng mă inh ưh tam băt?”

Markôs 10:21

Yêsu lăng 'bok mơdrŏng noh, Sư 'mêm tơpă na Sư khan thoi âu: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Luka 10:29

Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Rom 7:9

Sơ̆ kơplah inh tam mă băt kơ tơdrong yoch, inh oei hiôk; lăp đơ̆ng năr inh băt kơ tơdrong pơm yoch, jơhngơ̆m inh ưh pă hiôk boih, inh băt kơ inh trŏ kơ 'Bok Kei-Dei wă phak pơlôch.

Philip 3:6

Inh kư̆m pơm kơnê̆ kơ lu bơngai lui kơ Yêsu yua kơ inh ngêh kơ 'Bok Kei-Dei wă thoi noh tơpă; mă tơdrong juăt Môis inh ưh kơ pơm kơnê̆, pơm yoch ôh.

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.