Markôs 10:18 - Sơ̆p Hlabơar Nơ̆r 'Bok Kei-Dei

¹⁸ Yêsu khan kơ sư: “Yua kơ kiơ ih khan Inh bơngai 'lơ̆ng tơpăt? Kon bơngai ưh kơ đei bu 'lơ̆ng tơpăt ôh, pôm Kră Yang 'Bok Kei-Dei đĕch 'lơ̆ng tơpăt.

Markôs 10:18 Iomraidhean Croise

Horiso 119:68

Ih 'lơ̆ng juăt kơ pơm 'lơ̆ng; apinh Ih bơtho inh tơdrong juăt Ih.

Horiso 145:9

Kră Yang, pơm 'lơ̆ng kơ đĭ-đăng kon bơngai. Tơdrong Sư 'mêm mơnat rim kơ tơmam đêl Sư pơjing;

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Mathiơ 19:17

Yêsu khan kơ sư: “Yua kơ kiơ ih jet Inh wă kơ băt gah tơdrong 'lơ̆ng? Kon bơngai ưh kơ đei bu 'lơ̆ng tơpăt ôh, pôm 'Bok Kei-Dei đĕch 'lơ̆ng tơpăt. Dah ih wă kơ arih ling-lang, lei ih athei pơm kiơ̆ kơ tơdrong 'Bok Kei-Dei pơkă.”

Markôs 10:17

Lăp Yêsu wă yak đơ̆ng ei Sư tơ'bơ̆p minh 'nu bơngai kơdâu tơkan năm tơ Sư, sơtơ̆p kŭl-tăng 'bơ̆t anăp Sư păng jet Sư thoi âu: “Ơ 'Bok Thây, Ih 'lơ̆ng tơpăt; inh pơm thoi yơ wă kơ oei hơdai hăm 'Bok Kei-Dei na arih ling-lang?”

Markôs 10:19

Ih băt boih tơdrong 'Bok Kei-Dei pơkă sơ̆: ‘'Nĕ pơlôch bơngai, 'nĕ pơm pơyô kư̆ kă, 'nĕ chă tơtông tơmam đe, 'nĕ pơma hơlĕnh, 'nĕ pơgâm sa mŭk tơmam đe, bơ̆n athei lui yom kơ mĕ 'bă.’ ”

Luka 18:19

Yêsu khan kơ sư: “Yua kơ kiơ ih khan Inh bơngai 'lơ̆ng tơpăt? Kon bơngai ưh kơ đei bu 'lơ̆ng tơpăt ôh. Pôm Kră Yang 'Bok Kei-Dei đĕch 'lơ̆ng tơpăt.

Rom 3:12

Đĭ-đăng bơngai jrok trong weh ataih đơ̆ng 'Bok Kei-Dei ngăl. Lu sư jing kơnê̆, ưh kơ đei bu tơpăt, hoh-hoy 'nhŏ kơ minh 'nu.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

I Yo 4:16

Bơ̆n băt kơ Sư 'mêm mơnat kơ bơ̆n tơpă. 'Bok Kei-Dei Sư gah tơdrong 'mêm mơnat đĕch, na bơngai bu 'mêm mơnat kơ đe tơpă, bơngai 'noh pôm đon păng 'Bok Kei-Dei păng 'Bok Kei-Dei oei lăm sư.

I Yo 4:8

Bơngai bu ưh kơ 'mêm mơnat kơ 'nhŏng oh sư, bơngai 'noh ưh kơ băt kơ 'Bok Kei-Dei ôh, yua kơ 'Bok Kei-Dei Sư gah tơdrong 'mêm mơnat đĕch.

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.