Markôs 10:17 - Sơ̆p Hlabơar Nơ̆r 'Bok Kei-Dei

¹⁷ Lăp Yêsu wă yak đơ̆ng ei Sư tơ'bơ̆p minh 'nu bơngai kơdâu tơkan năm tơ Sư, sơtơ̆p kŭl-tăng 'bơ̆t anăp Sư păng jet Sư thoi âu: “Ơ 'Bok Thây, Ih 'lơ̆ng tơpăt; inh pơm thoi yơ wă kơ oei hơdai hăm 'Bok Kei-Dei na arih ling-lang?”

Markôs 10:17 Iomraidhean Croise

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Mathiơ 17:14

Yêsu păng pêng 'nu bơngai pơhrăm păng Sư noh brŏk tơ lu bơngai tơpôl. Tơ ei đei minh 'nu bơngai năm sơtơ̆p kŭl-tăng 'bơ̆t anăp Sư păng khan:

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Mathiơ 28:8

Đơ̆ng noh bre sư kơdâu năm roi kơ lu bơngai pơhrăm păng Yêsu tơdrong mă bre sư 'bôh noh hei. Kơplah bre sư kơdâu rok trong, jơhngơ̆m bre sư hiôk dêh na minh pah đon bre sư tơchĕng hli rah dai.

Markôs 1:40

Đei minh 'nu bơngai jĭ chin năm apinh Yêsu pơklaih sư. Sư sơtơ̆p kŭl-tăng apinh khan: “Dah Ih wă, Ih gơh pơklaih inh.”

Markôs 10:18

Yêsu khan kơ sư: “Yua kơ kiơ ih khan Inh bơngai 'lơ̆ng tơpăt? Kon bơngai ưh kơ đei bu 'lơ̆ng tơpăt ôh, pôm Kră Yang 'Bok Kei-Dei đĕch 'lơ̆ng tơpăt.

Markôs 12:14

Lu sư roi kơ Yêsu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang. Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar pơtao đe Rôm dah ưh?”

Markôs 9:25

Yêsu 'bôh đe tơpôl rĭ rai jê̆ Sư na Sư wă jah keh tơdrong 'noh. Na Sư pơpuh hloi yang kơnê̆ ei khan: “Ơ yang kơnê̆ ngăl pơm kơ đe kơmlo păng klĭk, Inh pơpuh e lĕch jăk đơ̆ng sư âu, 'nĕ pă mơ̆t oei lăm akâu sư dơ̆ng.”

Luka 10:25

Đei minh 'nu 'bok thây bơtho tơdrong juăt đe Juđê iung jet pơlong lăng Yêsu thoi âu: “Ơ 'Bok Thây, inh pơm thoi yơ wă kơ arih ling-lang?”

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Jang 16:30

Na sư tơlĕch bre Pôl păng Silas tơ 'ngoaih păng jet bre sư: “Ơ bre 'bok, pơm liơ inh gơh klaih đơ̆ng tơdrong yoch?”

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Tit 3:7

'Bok Kei-Dei 'mêm mơnat kơ bơ̆n tơpă na Sư pơklaih bơ̆n đơ̆ng tơdrong yoch păng Sư jô̆ bơ̆n bơngai 'lơ̆ng păng Sư boih. Sư ăn kơ bơ̆n jing kon Sư, na bơ̆n arih ling-lang păng Sư ning-mônh.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

I Pet 1:4

Tôm tơdrong noh Sư hơmet ăn kơ bơ̆n tơ plĕnh boih, na tôm tơdrong noh ưh kơ đei layơ hiong răm bŭk ôm ôh.

I Yo 2:25

Thoi noh bơ̆n gô arih ling-lang, kư̆m thoi Yêsu Krist pơkă sơ̆.