Markôs 10:14 - Sơ̆p Hlabơar Nơ̆r 'Bok Kei-Dei

¹⁴ Lăp Yêsu 'bôh lu bơngai pơhrăm păng Sư pơm thoi noh, Sư hil păng khan: “Lê̆ lu hơ'lơ̆p năm tơ Inh, 'nĕ pă khă lu sư, yua kơ bơngai bu lui thoi lu hơ'lơ̆p âu lui, bơngai 'noh 'Bok Kei-Dei pơgơ̆r wei-lăng sư ling-lang.

Markôs 10:14 Iomraidhean Croise

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Horiso 78:4

Lu bơ̆n kư̆m ưh kơ ôn dôm tơdrong noh kơ kon sâu lu bơ̆n. Bơ̆n gô roi kơ adrĕch adrung đơ̆ng rŏng dôm tơdrong trŏ hơri bơnê kơ Kră Yang, Tơdrong mơsêh păng tơdrong jang hlĭch chrơp mă Kră Yang đei pơm.

Êsai 65:23

Lu sư gô Jang ưh kơ đei gleh hrat kư̆ kă kư̆m ưh kơ đei tơpŭ kon hơ'lơ̆p, wă lê̆ kơ tơdrong truh pơrăm yua kơ adrĕch adrung đei Kră Yang tuh tơdrong pŭn hiôk hơdai hăm kon sâu lu sư.

Jo 14:31

Mă-lei Inh gô ăn lu kon hơ'lơ̆p iĕm gô mơ̆t oei tơ lăm char noh mă lu iĕm đei khan: Lu sư jing tơmam đe tơtông tơgar iŏk; đơ̆ng noh lu sư gô oei lăm char mă lu iĕm pơjăm.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Mathiơ 18:4

Dah iĕm pơm kiơ̆ bơngai 'lơ̆p âu ưh kơ pơang akâu, lei bơngai noh boih pơm tih lu bơngai mă 'Bok Kei-Dei pơgơ̆r.

Mathiơ 19:14

Na Yêsu khan: “Lê̆ lu hơ'lơ̆p năm tơ Inh, 'nĕ pă khă lu sư, yua kơ bơngai bu lui thoi lu hơ'lơ̆p âu lui, bơngai noh 'Bok Kei-Dei pơgơ̆r wei-lăng sư ling-lang.”

Mathiơ 5:10

“Pŭn dêh lu bơngai mă đe pơmat sư yua kơ sư pơm 'lơ̆ng thoi 'Bok Kei-Dei wă, bơngai noh 'Bok Kei-Dei gô pơgơ̆r sư ling-lang.

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Markôs 8:33

Na Yêsu hue lăng tơ lu bơngai pơhrăm păng Sư na khă hloi Pêtrôs: “Ơ Satan, jăk kơ e mă ataih đơ̆ng âu. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

Jang 3:25

“Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’

Rom 11:16

Âu inh wă pơma kơ iĕm gah tơdrong đe pơyơ̆r kơ 'Bok Kei-Dei 'ba hrôih. Sư ăn pơgia lăp tŏ sĕt đĕch mă-lei dang sư ăn đĭ kơ 'ba sư mơ̆n. Bơ̆n 'bôh tơm 'long ayơ 'lơ̆ng, đĭ kơ dơng sư kư̆m 'lơ̆ng mơ̆n. Lu bơngai Isơrael kư̆m thoi noh, sơ̆ 'bok kơdră lu sư pơyơ̆r ăn akâu sư kơ 'Bok Kei-Dei, noh kư̆m dang sư pơyơ̆r đĭ lu kon sâu sư mơ̆n; tơm sư ăn kơ 'Bok Kei-Dei boih, wĕch kư̆m thoi noh.

Rom 11:28

Dang ei lu bơngai Isơrael mơ'nah ưh tam mă lui kơ tơdrong 'nao 'lơ̆ng Yêsu, lu sư dang ayăt kơ 'Bok Kei-Dei. Mă-lei 'Bok Kei-Dei oei 'mêm kơ lu sư. Yua kơ thoi noh na Sư krao iĕm lui kơ Yêsu hơdrol kơ lu sư, wă kơ lu sư kiơ̆ iĕm. Sư 'mêm tơpă kơ lu bơngai Isơrael yua kơ Sư rơih iŏk lu yă 'bok lu sư đơ̆ng hơdrol sơ̆ hloi boih.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

I Kor 7:14

Mă klo sư ưh kơ lui, 'Bok Kei-Dei lăng bre klo kăn noh kư̆m 'lơ̆ng yua kơ akăn sư lui. Kư̆m lei-lăi, klo sư lui mă akăn sư ưh, 'Bok Kei-Dei lăng bre klo kăn noh kư̆m 'lơ̆ng yua kơ klo sư lui boih. Dah 'Bok Kei-Dei lăng bre sư ưh kơ 'lơ̆ng lei Sư kư̆m lăng kon bre sư kư̆m ưh kơ 'lơ̆ng mơ̆n. Mă-lei bơ̆n băt boih 'Bok Kei-Dei lăng kon bre sư 'lơ̆ng. Thoi noh bơ̆n kư̆m băt Sư lăng bre klo kăn noh 'lơ̆ng mơ̆n.

Êphêsô 4:26

Dah iĕm đei tơdrong ơh, iĕm 'nĕ kơ pơm kơnê̆ kơ sư, 'nĕ tơhil băl đunh truh kơ măng,

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.

II Tim 1:5

Inh băt kơ ih lui kơjăp tơpă, kư̆m lei-lăi thoi yă ih Lôih păng mĕ ih Eunik lui sơ̆ mơ̆n. Na dang ei inh băt kơ ih lui kơjăp thoi sư sơ̆ tơpă.

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Jôsuê 8:35

Ưh kơ đei nơ̆r ayơ Môis đei bơtho khan, mă Jôsuê ưh kơ đŏk ưh kơ roi tơbăt ăn kơ bơngai Isơrael, mă drŏ-kăn, hơ'lơ̆p păng mă tơmoi oei hơdai lu sư.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

Tơdrông Tơ'bôh 14:5

'Bok Kei-Dei 'bôh lu sư ling-lang pơma 'lơ̆ng ưh kơ đei pơma hơlĕnh hơya tŏ sĕt, yua kơ lu sư jing bơngai rơgoh 'lơ̆ng boih.

I Sam 1:11

Sư pơma pơkă khan: Ơ Kră Yang Tih Hloh, tơdah ih lăng mơnat kơ đam drŏ-kăn ih, 'blŏk bĕ kơ inh 'nĕ kơ hiơt kơ inh đam drŏ-kăn ih, mă-lei gô ăn kơ đam drŏ-kăn ih đei minh 'nu kon drŏ-nglo, thoi ei inh gô ăn sư kơ ih Kră Yang đĭ chăl arih sư, ưh kơ gơh yuă dah hơkôih sŏk sư.

I Sam 1:22

Mă-lei Hana ưh kơ tŏk năm hơdai ôh, sư khan kơ klo sư, gô kon hơ'lơ̆p lê̆ mŏ, inh gô năm chông ba sư, wă kơ sư năm 'bơ̆t anăp Kră Yang păng oei hloi tơ noh ling-lang.